اسەت يسەكەشەۆ جاس ونەتاپقىشتاردى بىرلەسىپ جۇمىس ىستەۋگە شاقىردى
22-23 جاستاعى سەگىز جىگىت بۇگىنگى بايقاۋدا جۇيەلەردى اۆتوماتتى باسقارۋ بويىنشا جاڭا ازىرلەمەنى ۇسىندى.
«قازىلار القاسىمەن اقىلداسا كەلە، يدەيا عانا ەمەس، تەحنيكالىق شەشىم ۇسىنعان كومانداعا ءوز شەشىمدەرىن اكىمدىككە ەنگىزۋ بويىنشا پيلوتتىق جوباسىن بەرۋدى شەشتىك. بۇل ءبىزدىڭ ارنايى سىيلىعىمىز»، - دەدى اسەت يسەكەشەۆ ماراپاتتاۋ بارىسىندا.
«ءبىزدىڭ شەشىمدى اگرارلىق سالادان اقىلدى ۇيلەرگە دەيىن، بارلىق سالادا قولدانۋعا بولادى. ياعني، قۇرىلعىلار ارقىلى پرينتەردەن ۇلكەن عيماراتتارعا دەيىن دەرەكتەردى جىبەرىپ، قابىلداپ جانە باسقارا الاسىز. ماسەلەن، ءسىز بيزنەس-ورتالىقتىڭ يەسى بولساڭىز، ءبىز ءسىزدىڭ بارلىق جۇيەلەرىڭىزدى اۆتوماتتاندىرامىز جانە ايىنا قانشا ەلەكتر ەنەرگياسى مەن سۋ تۇتىنعانىڭىز تۋرالى دەرەكتەر الىپ وتىراسىز. ەگەر كەڭسەنى جالعا بەرسەڭىز، قاي كەڭسەنىڭ كوبىرەك تۇتىناتىنىن بىلۋگە بولادى. سونىمەن بىرگە، كەز كەلگەن اقاۋدىڭ قاي جەردەن تۋىنداعانىن جىلدام انىقتاي الاسىز. بۇل قۇرىلعى كولىكتەن باستاپ، ۇلكەن عيماراتتارعا دەيىن باسقارۋ جۇمىستارىن جەڭىلدەتەدى»، - دەپ ءتۇسىندىردى IT- ۋنيۆەرسيتەت تۇلەگى نۇرسۇلتان سادىق.
اۆتور: ايجان سەرىكجان قىزى
