وتاندىق «ورالمان» كارتيناسى مۇسىلمان كينوفەستيۆالىندە كورسەتىلەدى

 اتالعان كارتينانىڭ سسەناريىن كينودراماتۋرگ نۇرلان سانجار جازىپ شىققان. وعان ءسابيت قۇرمانبەكوۆ تە كومەكتەستى. كومپوزيتورى -  ايدوس ساعات. باس رولدەردى دۋلىعا اقمولدا، ەرجان ءتۇسىپوۆ، ەسىم سەگىزبايەۆ، شىنار اسقاروۆا، بايان قانجابيەۆا جانە تاعى باسقا اكتەرلار سومدادى.

«فيلم «وتان» ءسوزىنىڭ ادام جۇرەگىندە الار ورنى جايىندا باياندايدى. يدەيا اۆتورى رەتىندە «وتان» ءسوزىنىڭ قازاق ءۇشىن نەنى بىلدىرەتىنىن كورسەتكىم كەلدى. قازاق ءۇشىن وتان جەڭىل ءناپاقا تاباتىن جەر ەمەس، قازاق ءۇشىن وتانى -  ارقانى كەڭگە جايىپ، ەمىن- ەركىن جۇرەتىن جەرى. رەجيسسەر بولسا، سسەناريدەن تاعى ءبىر ماسەلەنى بايقاپ قالدى. ول توزاقتان جۇماققا باراتىن جولدى كوردى. سەبەبى اۋعانستانمەن سالىستىرعاندا، قازاقستان شىنىمەن دە جۇماق ىسپەتتى»، -  دەيدى نۇرلان سانجار.

 فيلم سسەناريى وسىدان ءتورت جىل بۇرىن جازىلعان ەدى. الايدا ءبىرقاتار سەبەپتەرگە بايلانىستى جوبانى ءتۇسىرۋ مەرزىمىن كەيىنگە قالدىرىپ كەلگەن. ايتا كەتەيىك، XIII حالىقارالىق مۇسىلمان كينوفەستيۆالى 5-11 - قىركۇيەك ارالىعىندا وتەدى. فەستيۆال باعدارلاماسىندا 27 ەلدىڭ 60 فيلمى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى