قانت ديابەتى اۋرۋى قالاي انىقتالادى؟

سىرقاتتىڭ ءبىرىنشى ءتيپى - ينسۋلينگە تاۋەلدى، ەكىنشى ءتيپى - ينسۋلينگە تاۋەلدى ەمەس قانت ديابەتى. قانتتى ديابەتتىڭ ءبىرىنشى ءتيپىنىڭ پايدا بولىپ، دامۋىنا ۆيرۋستىق ينفەكتسيالار (كوكساكي، قىزىلشا، ەپيدەميالىق پاروتيت ۆيرۋستارى) اسەر ەتەدى.

قانت ديابەتى ۇيقى بەزى اۋرۋلارىنىڭ اسەرىنەن، ياعني جەدەل جانە سوزىلمالى پانكرەاتيت، ىسىكتەر كەزىندە پايدا بولۋى مۇمكىن. دارىلىك زاتتاردى ۇزاق قولدانۋ دا قانت ديابەتىنىڭ دامۋىنا سەبەپكەر بولادى. ۋىتتى زاتتارى بار ونىمدەردى قولدانعاندا، ولار ۇيقى بەزىنىڭ بەتا- جاسۋشاسىنا اسەر ەتىپ، ناتيجەسىندە قانت ديابەتىنە الىپ كەلۋى مۇمكىن.

ءبىرىنشى ءتيپتى قانت ديابەتى جاس ادامداردا ءجيى كەزدەسەدى جانە تەز داميدى، مۇنداي ناۋقاستار اۋرۋحاناعا كوما نەمەسە كومالدى جاعدايىندا ءتۇسۋى ابدەن مۇمكىن. قانت ديابەتىنىڭ ەكىنشى ءتيپى باياۋ داميدى، كەيدە كەزدەيسوق انىقتالادى، كوبىنە ورتا جانە ەگدە جاستاعى ادامداردا كەزدەسەدى. ناۋقاستار اۋىزدىڭ قۇرعاۋى، شولدەۋ (پوليديپسيا)، ءزاردىڭ كوپ مولشەردە ءبولىنۋى (پوليۋريا)، قاتتى اشىعۋ (بۋلەميا)، تەرىنىڭ قىشۋى، سالماعىنىڭ ازايۋى سەكىلدى جاعدايلار بويىنشا شاعىمدانادى. تەكسەرگەن كەزدە تەرى قاباتتارىنىڭ، بەت جانە ماڭداي تۇسىنىڭ قىزارعانىن، كەي جەرلەردە قابىرشاقتانعانىن كورۋگە بولادى. قانت ديابەتىمەن اۋىراتىن ناۋقاستار شيقان شىعۋ جانە ساڭىراۋقۇلاقتى اۋرۋلار مەن تۋبەركۋلەزگە شالدىعۋعا بەيىم كەلەدى.

ناۋقاستاردىڭ 60-80 پايىزىندا ديابەتتىك رەتينوپاتيا كەزدەسەدى. بۇنداي جاعداي كوزدىڭ كورۋىن ناشارلاتادى، كەيىن قاتاراكتاعا ۇلاسادى. نەرۆ جۇيەسىنىڭ زاقىمدانۋى دا ديابەتتىك نەيروپاتيامەن بايلانىستى.

قانت ديابەتى اۋرۋىن انىقتاۋ ءۇشىن ارنايى سىناق جۇرگىزىلەدى.

دەرەككوزى: https://www.aktobegazeti.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى