تەمىرتاۋ تۇرعىنى جەرتولەسىندە ساقتالعان كارتوپتان كوز جۇمدى
بۇل تۋرالى 31 -ارنا حابارلايدى.
مۇنداي وقىس وقيعا ءبىرىنشى رەت بولىپ وتىرعان جوق. وسى ۋاقىتقا دەيىن دە ءۇي يەسى مەن كەلىنشەگى جەرتولەگە ءتۇسىپ قايتىس بولعان-دى. ولاردىڭ ولىمىنە شىرىگەن كارتوپ ءبولىپ شىعاراتىن ۋلى گاز سەبەپشى بولعان ەكەن.
بۇل جولى دا اتالعان ۋلى گاز وتاعاسىنىڭ قايتىس بولۋىنا سەبەپشى بولىپ وتىر. ونى ءبىرىنشى بولىپ ايەلى كورىپ، بىردەن كومەككە جۇگىرگەن. ارتىنشا كومەككە دوستارى كەلىپ ايەلدى امان الىپ قالعان. ال وتاعاسى جەدەل جاردەم كەلمەي جاتىپ كوز جۇمعان. كارتوپتان بولىنگەن ۋ اۋادان اۋىر بولعاندىقتان، جەرتولەنىڭ تومەنگى قاباتىندا كوبىرەك ساقتالعان. اتالعان ۋدىڭ ءيىسى دە، ءتۇسى دە جوق.
ولگا سارجان وتباسىن مۇنداي وقىس جاعدايلاردان قالاي ساقتاندىرۋ كەرەكتىگىن جاقسى بىلەدى. «كوكونىستەردى جەرتولەگە سالماس بۇرىن ول جەردى ابدەن تازالاپ الۋ قاجەت. مۇنىمەن قاتار، جەرتولەدە سىرتتان اۋا كىرىپ تۇراتىنداي تەسىك بولۋى ءتيىس»، - دەيدى ول.
