تارازدا العاش رەت مورلەر كورمەسى ءوتىپ جاتىر
ەسكى قۇجاتتارعا باسىلعان ۇلگىلەردىڭ اۋقىمى ءبىر عاسىردى قامتيدى. سورەلەردەن - قىتاي، رەسەي سياقتى ەلدەرگە قازاق حاندارىنىڭ جازعان حاتتارىنا قويعان مورلەردەن باستاپ قۋعىن- سۇرگىن اشارشىلىق ۇلى وتان سوعىسى تىڭ يگەرۋ جىلدارى مەن بۇگىنگى كۇنگە دەيىنگى مورلەردى كەزدەستىرۋگە بولادى. وبلىستىق مەملەكەتتىك ارحيۆ قىزمەتكەرلەرى بۇل دەرەكتەردى 2 جىل بويى زەرتتەپ، وڭدەگەن. الداعى ۋاقىتتا وبلىستىق مۇراعاتتاعى ميلليونعا جۋىق قۇجاتتاردى زەرتتەپ مورلەردى زەردەلەمەك.
«بۇل ءىس- شارا قوعامدىق سانانى قالىپتاسىرىپ رۋحاني جاڭعىرۋعا جانە تاريحي قۇندىلىقتاردى بىلۋگە جەتەلەيدى» ، - دەيدى ۇيىمداستىرۋشىلار. كورمە ءبىر اپتاعا جالعاسادى.
ماقۇلبەك رىسداۋلەت، وبلىستىق مەملەكەتتىك ءارحيۆتىڭ مۇراعاتتانۋشىسى:
- باستى ماقساتى وسى مورلەر ارقىلى ءوڭىرىمىزدىڭ تاريحىن بەرۋ. ءوڭىرىمىزدىڭ تاريحىن كورسەتۋ. مورمەن بىرگە، تاريحپەن بىرگە، وقيعانىڭ، قوعامنىڭ وزگەرگەنىن كورىپ وتىراسىز. مىنە ءموردىڭ تاريحى قۇندىلىعى وسى. مىنا كورمەنى ۇيىمداستىرا وتىرىپ، جاس ۇرپاقتىڭ، تاريحشىلاردىڭ وسىنى كورىپ وسى جۇمىستى ودان ءارى جالعاستىرۋ كەرەك دەپ ويلايمىن.
ساعىندىق زەينوللا ۇلى، قالا تۇرعىنى:
- ءوزىمىزدىڭ تاريحىمىزدى تەرەڭ ءتۇسىنىپ، سودان ءبىراز ماعلۇماتتار الىپ، قانىعىپ، مالىمەتتەر ءبىلىپ جاتىرمىز. تاماشا اسەردەمىز. وسى ۋاقىتقا دەيىن كورمەگەن، بىلمەگەن، ەستىمەگەن قاعاز بەتتەرىنەن كىتاپ بەتتەرىنەن، وقۋ ورىندارىندا دا كورمەگەن مالىمەتتەرمەن وسى جەردە قانىعىپ جاتىرمىز. مورلەردى ءبىلۋىمىز كەرەك.
www.24.kz
