ايگىلى كينوداعى ءبيدى قايتالاماق بولعان عاشىقتار اۋرۋحانادان ءبىر-اق شىقتى

51 جاستاعى ەندي مەن 52 جاسار شەرون پرايس (Andy and Sharon Price) وزدەرىنىڭ ۇيلەنۋ تويىندا قوناقتارعا توسىن سىي رەتىندە سۇيىكتى فيلمىندەگى ءبيدى قايتالاماق بولعان. وسى ماقساتتا عاشىقتار دايىندىق كەزىندە ءبي بيلەپ ءجۇرىپ، كۇيەۋ جىگىت قالىڭدىقتى باسىنان اسىرا جوعارى كوتەرەتىن ساتكە كەلگەن كەزدە ءبارى ويداعىداي بولماي قالدى. ابايسىزدا ولار قۇلاپ، كۇيەۋ جىگىت ەسىنەن تانىپ قالدى.

Daily Mail مالىمەتى بويىنشا، پرايس قۇلاعان ساتتە باسىمەن جەرگە سوعىلعان، ال قالىڭدىققا دەم جەتپەي، تىنىس الۋى ناشارلاعان. دارىگەرلەردىڭ تەكسەرۋىنەن وتكەننەن ولاردىڭ دەنساۋلىعىنا قازىر ەشبىر قاۋىپ ءتونىپ تۇرعان جوق. عاشىقتار جۇبى ۇيلەنۋ تويلارىن بيىلعى جىلعا جوسپارلاپ وتىر.

«گريازنىە تانسى» مەلودراماسى 1987 -جىلى جارىققا شىقتى. وندا باستى رولدەردى دجەننيفەر گرەي مەن پاتريك سۋەيزي سومدادى. شاعىن عانا بيۋدجەتىنە قاراماستان (6 ميلليون دوللار) كارتينا پروكاتتا تابىستى تارالىپ، 200 ميلليون دوللاردان استام قاراجات جينادى. وسى فيلمنىڭ ارقاسىندا باستى رولدەرى كينو جۇلدىزدارى «التىن گلوبۋس» نوميناتسياسىنىڭ يەلەرى اتاندى.

دەرەككوزى: https://lenta.ru

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى