بولاشاق باعدارلاماسىنىڭ باسشىسى «سوعىس» جاريالاعان تۇلەككە جاۋاپ بەردى

بۇعان دەيىن «بولاشاق» باعدارلاماسىمەن ءبىلىم العان مايگۇل سادىقوۆا الەۋمەتتىك جەلىدە حالىقارالىق باعدارلامالار ورتالىعىن سوتقا بەرۋگە نيەتتى ەكەنىن مالىمدەگەن ەدى. «ا ق ش- تاعى وقۋدان ورالعانىما 8 جىلدىڭ ءجۇزى بولسا دا، ولار پاۆلودار وبلىسى اقسۋ قالاسىنداعى انامنىڭ پاتەرىن كەپىلدەن شىعارماي وتىر. مۇنىڭ سەبەبىن وسى جىلدار بويى «الەۋمەتتىك جۇمىس» ديپلومى بويىنشا جۇمىس ىستەمەگەنىممەن تۇسىندىرەدى.

ءيا، مەن ج ش س- دە اۋدارماشى بولىپ ەڭبەك ەتتىم (مەنىڭ العاشقى جۇمىسىم)، كەيىنىرەك ءتىل ۇيرەنەتىن كۋرس اشىپ، ساباق بەردىم (جەكە كاسىپكەرلىك رەتىندە)، ءالى كۇنگە دەيىن اۋدارما جۇمىستارىمەن اينالىسامىن. سونداي-اق، ءوز ماماندىعىم بويىنشا ە ۇ ۋ- دا ماگيستراتۋرادا گرانتتا وقىدىم. تاعى ءبىر جۇمىسىم بولدى - «استانا وپەرا» تەاترىندا كەلىسىمشارتتاردى اۋداردىم.

قاي جەردەن جۇمىس تابىلسا، سونى ىستەدىم. قانشا تالپىنسام دا، الەۋمەتتىك سالادا جۇمىس تابا الماۋىم - مەنىڭ كىنام ەمەس. ەڭ باستىسى، ءوز ەلىمدە 5 جىل تەر توكتىم»، - دەپ جازعان مايگۇل سادىقوۆا.

«بۇكىل ەل مەكەمە تاراپىنان جاسالاتىن قىسىمدى ءبىلۋى ءتيىس. جۇمىسقا ورنالاسۋعا ەش كومەك كورسەتپەيدى، ال 11 جىل بۇرىنعى كەلىسىمشارت بويىنشا، 5 جىلدىق ەڭبەك ءوتىلىمدى تالاپ ەتەدى. سوعىستى قالاساڭىزدار، ول دا بولادى»، - دەپ تۇيىندەگەن ءسوزىن «بولاشاقتىڭ» تۇلەگى.

كەيىنىرەك، حالىقارالىق باعدارلامالار ورتالىعىنىڭ باسشىسى بۇعان الەۋمەتتىك جەلىدە جاۋاپ جازدى. «مايگۇل سادىقوۆانىڭ ارىزى بويىنشا. بىزگە سوعىس كەرەك ەمەس. تۇلەكتەرمەن جۇمىس بويىنشا دەپارتامەنت جۇمىسىندا كەمشىلىكتەر بولدى، ونىمەن كەلىسەمىن. دەپارتامەنت ديرەكتورى ءساۋىر ايىندا ءوز ەركىمەن جۇمىستان شىقتى. مايگۇلدى ورتالىققا شاقىردىق. ناتيجەسىن ورتالىقتىڭ سايتىندا جاريالايمىز»، - دەپ جازدى جانبولات مەلدەشوۆ الەۋمەتتىك جەلىدە. سونداي-اق، مايگۇل سادىقوۆانىڭ ماسەلەسى بويىنشا حالىقارالىق باعدارلامالار ورتالىعىنىڭ فەيسبۋكتەگى رەسمي اككاۋنتىندا تولىققاندى جاۋاپ بەرىلدى.

وندا ح ب و باسشىلىعى اتالعان تۇيىتكىلدى جانە تۇلەكتەرمەن جۇمىس دەپارتامەنتىنىڭ كەمشىلىكتەرىن مويىندادى. «...2015 -جىلدىڭ 6 -مامىرىندا ستيپەنديات حالىقارالىق باعدارلامالار ورتالىعىنا پاتەردى كەپىلدەن شىعارۋ تۋرالى ءوتىنىش جازدى. تەك 5 جىل وتكەن سوڭ عانا، تۇلەكتەرمەن جۇمىس دەپارتامەنتىنىڭ قىزمەتكەرلەرىندە ماماندىق بويىنشا ەڭبەك ەتپەۋگە قاتىستى سۇراقتار تۋىنداعان. وسىعان بايلانىستى، اتالعان ماسەلەنىڭ تۇلەكتەرمەن جۇمىس دەپارتامەنتىنىڭ قاتەلىگى ەكەنىن مويىندايمىز»، - دەلىنگەن رەسمي اككاۋنت جازباسىندا.

ايتا كەتەيىك، اتالعان ماسەلەلەرمەن اينالىسقان تۇلەكتەرمەن جۇمىس دەپارتامەنتىنىڭ بۇرىنعى باسشىسى 2017 -جىلدىڭ 7 -ساۋىرىندە ءوز ەركىمەن جۇمىستان كەتكەن. «قازىرگى ۋاقىتتا ح ب و تۇلەكتەرمەن جۇمىس دەپارتامەنتىنىڭ قىزمەتكەرلەرى مايگۇلمەن حابارلاستى جانە ماسەلەنىڭ ءمان-جايىن انىقتاپ، كومەك كورسەتۋ ءۇشىن ونى ورتالىققا شاقىردى»، - دەپ ءتۇسىندىردى ح ب و.

ودان بولەك، جازبادا «ق ر ءبىلىم جانە عىلىم مينيسترلىگىنىڭ ح ب و ۇجىمىنىڭ اتىنان جازىلعان ارىز بويىنشا كەشەندى قىزمەتتىك تەكسەرۋدىڭ اياقتالعانى» حابارلانعان. ح ب و ۇجىمى باسشىلىقتى جۇمىسقا تۋىستارىن قابىلدادى جانە «جەرلەستىككە» جول بەردى دەپ ايىپتاعان ەدى.

تەكسەرۋ ناتيجەسى بويىنشا، اتالعان فاكتىلەر راستالمادى. بۇگىندە ورتالىقتا شتاتتىق ساناتتا 120 ادام جۇمىس ىستەيدى. ونىڭ 7 پايىزى عانا نەمەسە 8 ادام - وڭتۇستىك قازاقستان وبلىسىنىڭ تۋماسى. ونىڭ ۇستىنە، اتالعان قىزمەتكەرلەر ج. مەلدەشوۆ ح ب و باسشىلىعىنا تاعايىندالماي تۇرىپ جۇمىسقا قابىلدانعان.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى