استانادا بيىل ءبىرىنشى سىنىپقا باراتىن بالالار سانى رەكوردتىق كورسەتكىشكە جەتتى

ولار وسىلايشا بۇل جىلى مەكتەپ بىتىرگەن 5 مىڭ تۇلەكتىڭ ورىنىن باسپاقشى.

بۇل تۋرالى قالالىق اكىمدىك حابارلادى.

«بيىل مەكتەپ تابالدىرىعىن اتتايتىن بالالاردىڭ سانىنىڭ كوپتىگىنە بايلانىستى مەكتەپتەردە 17 مىڭ وقۋ ورنىنىڭ تاپشىلىعى بايقالۋدا»، - دەدى قالالىق ءبىلىم ءبولىمىنىڭ باسشىسى مىندەتىن اتقارۋشى ءانۋار جانعوزين.

مەكتەپتەر مەن مەكتەپكە دەيىنگى مەكەمەلەردەگى ورىننىڭ تاپشىلىعىنا بايلانىستى جاڭا وقۋ جىلى قارساڭىندا 2,6 مىڭ ورىندى رەتتەۋ ماسەلەسى قارالۋدا. استانادا وسىلايشا جىل سايىن جاڭا ون مەكتەپ بوي كوتەرمەك.

«قازىردىڭ وزىندە 6 مەكتەپتىڭ قۇرىلىسى باستالدى، جىل اياعىنا دەيىن تاعى تورتەۋىنىڭ قۇرىلىسى باستالادى. جالپى العاندا 11 مىڭ ورىنى بار ون مەكتەپتى 2018-2019 وقۋ جىلىنا دەيىن تاپسىرۋدى كوزدەپ وتىرمىز. سونىمەن قاتار، 13 مەكتەپتى جوبالاۋ جۇمىستارى باستالدى. ءبىزدىڭ جوسپارىمىز - جىل سايىن 13-14 مەكتەپتى قاتارعا قوسۋ»، - دەدى جانعوزين.

قازىرگى كەزدە ەل استاناسىندا 130542 بالا ءبىلىم الاتىن 95 جالپى ورتا ءبىلىم بەرەتىن مەكتەپ بار. بالالار كوبىنەسە مەملەكەتتىك مەكتەپتەرگە بارادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى