ەلوردادا كاراتە- دودان ازيا چەمپيوناتى وتۋدە

حالىقارالىق مامانداندىرىلعان ەكسپو-2017 كورمەسى اياسىندا استانادا جاسوسپىرىمدەر مەن كادەتتەر اراسىندا (14 جاستان 20 جاسقا دەيىن) ازيا چەمپيوناتى وتەدى. وندا ازيا قۇرلىعىنان 30 عا جۋىق ەلدەن 700 دەن استام قاتىسۋشى ءوزارا مىقتىنى انىقتايدى.

ازيا بىرىنشىلىگى قازاقستاندا العاش وتەدى، بۇعان دەيىن مالايزيا، سينگاپۋر، جاپونيا جانە قىتاي مەملەكەتتەرىندە وتكەن بولاتىن. جارىس ازيادا عانا ەمەس، بۇكىل الەمدە ەسىمى بەلگىلى سپورتشىلاردى جينايدى. كاراتە- دودان قازاقستان ۇلتتىق قۇراماسىنىڭ نامىسىن 70 قاتىسۋشى قورعايدى. ولاردىڭ ىشىندە الەم جانە ازيا چەمپيوناتتارىنىڭ جەڭىمپازدارى بار.

كاراتە وليمپيادالىق ويىن تۇرلەرى قاتارىنا قوسىلعاندىقتان، بۇل قۇرلىقتىق چەمپيوناتتا رەيتينگتىك ۇپايلار بەرىلەتىن بولادى. مەملەكەت ىشىندە ەڭ كوپ ۇپاي كادەتتەر مەن جاسوسپىرىمدەر اراسىندا الەم چەمپيونى، ازيا ويىندارىنىڭ چەمپيونى، ازيانىڭ ءۇش دۇركىن چەمپيونى ساعىندىقوۆ ريناتتىڭ ەنشىسىندە - 1215 ۇپاي بار.

بىرنەشە دۇركىن چەمپيون ەرەسەكتەر اراسىندا 67 كەلى سالماق بويىنشا سىنعا تۇسەدى. جارىس اياسىندا تورەشىلەر ءۇشىن تاجىريبەلىك جانە تەوريالىق سەمينارلار وتكىزىلەدى. وندا «Judge B»  ساناتىنا حالىقارالىق تورەشىلەردى اتتەستاتتاۋ بولادى.

تۋرنير بارىسىندا شەتەلدىك سپورتشىلاردى «ەكسپو-2017» كورمەسىنە اپارۋ ۇيىمداستىرىلادى. كەز كەلگەن ادام جارىستى تاماشالاي الادى، كىرۋ تەگىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى