گەرمانيا ينۆەستيتسياسى شيكىزاتتىق ەمەس سەكتورعا قۇيىلدى - ۆيتسە- مينيستر ەرلان قايىروۆ

ق ر ينۆەستيتسيالار جانە دامۋ ۆيتسە- ءمينيسترى ەرلان قايىروۆتىڭ ايتۋىنشا، سوڭعى ون ەكى جىلدىڭ ىشىندە گەرمانيا ەلىمىزدىڭ ەكونوميكاسىنا 4 ميلليارد دوللاردان استام قارجى قۇيدى. «ول اقشانىڭ 90 پايىزى شيكىزاتتىق ەمەس سەكتورعا باعىتتالدى. بۇگىنگى وتىرىستا ءبىز ناقتى جوبالاردى قاراستىردىق. بىزدە 60-تان استام ورتاق جوبالار بار. سونىڭ جالپى سوماسى 5 ميلليارد دوللاردان اسادى. ال ءبىزدىڭ، ياعني ۇكىمەتارالىق جۇمىس توبىنىڭ باستى ماقساتى - سول جوبالاردىڭ ءساتتى ىسكە اسۋىنا جاعداي جاساۋ»، - دەيدى قايىروۆ.

 ۆيتسە- ءمينيستردىڭ سوزىنە قاراعاندا، قازاقستان مەن گەرمانيانىڭ ورتاق جوبالارى ماشينا جاساۋ، اۋىل شارۋاشىلىعى، حيميا، مۇناي حيمياسى جانە تاعى باسقا سالالاردى قامتيدى «ماشينا جاساۋ سالاسى جايىندا ايتار بولساق، بۇگىندە اۋىر ماشينا جاساۋ سالاسىندا ورتاق جوبالاردى ىسكە اسىرۋعا قىزىعۋشىلىق بار. بۇدان بولەك، تەمىرجول قاتىناسىندا دا بىرلەسكەن شارالار جۇرگىزۋ كوزدەلگەن. گەرمانيادا جاڭا تەحنولوگيالار كوپتەپ شىعارىلادى. ونى ءبارىمىز جاقسى بىلەمىز. ءدال سول تەحنولوگيالاردىڭ قازاقستانعا كەلگەنى كەرەك. سوسىن وسى جەردە وندىرىلگەن تاۋارلاردىڭ ەكسپورتقا شىققانى ماڭىزدى»، - دەپ اتاپ كورسەتتى قايىروۆ.

 ايتا كەتەيىك، كۇنى كەشە قازاقستانعا گەرمانيا پرەزيدەنتى فرانك- ۆالتەر شتاينمايەر رەسمي ساپارمەن كەلگەن بولاتىن. مەملەكەت باسشىسى نۇرسۇلتان نازاربايەۆ مارتەبەلى مەيماندى اقوردادا قابىلدادى. شتاينمايەردىڭ ساپارى اياسىندا ەكى ەلدىڭ ىسكەرلىك كەڭەسىنىڭ وتىرىسى دا ۇيىمداستىرىلدى. سول جەردە جالپى سوماسى 1 ميلليارد تەڭگەگە باعالانعان 21 كەلىسىمگە قول قويىلدى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى