ماڭعىستاۋ تۇبىندە الىپ سۋ جاندىگىنىڭ سۇيەگى تابىلدى - فوتو
بۇل تۋرالى Sputnik قازاقستان حابارلايدى.
جاندىكتى تاپقان جۇمىسشىلار ءىرى كولەمدى سۇيەكتەردى جەرگىلىكتى مۋزەيگە الىپ كەلگەن، عالىمداردىڭ ايتۋىنشا، ولار ەجەلگى سۋ جاندىگى - پلەزيوزاۆرعا تيەسىلى بولۋى مۇمكىن. ول وسىدان 80-100 ميلليون جىل بۇرىن تەتيس مۇحيتىن مەكەندەگەن.
مۋزەي مامانىنىڭ ايتۋىنشا، ماسكەۋدەن رعا گەولوگيا ينستيتۋتىنىڭ فانەروزوي ستراتيگرافياسى زەرتحاناسىنىڭ عىلىمي قىزمەتكەرى نيكولاي زۆەركوۆ كەلگەن، ول سۇيەكتەردىڭ كونە داۋىردە ءومىر سۇرگەن جاندىككە تيەسىلى ەكەنىن راستادى. سۇيەكتىڭ سۋرەتتەرى سانكت- پەتەربۋرگ قالاسىنا جىبەرىلگەن، ماسكەۋلىك عالىمدار دا بۇعان قىزىعۋشىلىقتارىن ءبىلدىرىپتى.
عالىمدار اتاپ وتكەندەي، پلەزيوزاۆردىڭ سۇيەگى 36 ءىرى ومىرتقادان تۇرادى، ۇزىندىعى شامامەن 3,5 مەتر، ال جالپى جاندىك دەنەسىنىڭ ۇزىندىعى 12 مەترگە دەيىن جەتەدى.
«بۇل جاندىكتەردىڭ موينى وتە ۇزىن - 5 مەترگە جۋىق، ال باسى كىپ- كىشكەنتاي. نيكولاي زۆەركوۆ ايتقانداي، ولار جىلان مەن تاسباقاعا ۇقسايدى. بالىقپەن قورەكتەنگەن، ياعني جىرتقىش جاندىكتەر. مەزوزوي ءداۋىرىنىڭ سوڭىنا قاراي جويىلىپ كەتكەنح، - دەيدى ماڭعىستاۋ وبلىستىق تاريحي- ولكەتانۋ مۋزەيى تابيعات ءبولىمىنىڭ مامانى ليۋدميلا بىكوۆا.
