ءماسىموۆ شپيونداردىڭ قازاقستاننىڭ قۇپيالارىن ۇرلاماق بولعانى تۋرالى جازدى
وندا وتاندىق ۇلتتىق قاۋىپسىزدىك ورگاندارىنىڭ شيرەك عاسىرداعى جەتكەن جەتىستىكتەرى باياندالعان.
«نۇرسۇلتان ءابىش ۇلىنىڭ ەرىك- جىگەرى مەن ستراتەگيالىق كوزقاراسى بۇكىل ەلىمىز ءۇشىن دە جانە ءوزىنىڭ جاڭا تاريحىن 1992 -جىلعى 13 -شىلدەدەن باستاعان دەربەس ارنايى قۇرىلىم - ۇلتتىق قاۋىپسىزدىك ورگاندارى ءۇشىن دە تاعدىرشەشتى بولدى»، - دەپ جازادى ۇلتتىق قاۋىپسىزدىك كوميتەتىنىڭ ءتوراعاسى.
جاقىندا اقوردادا ق ر پرەزيدەنتى «ەكسپو» - نىڭ اشىلۋ سالتاناتىنىڭ قاۋىپسىزدىگىن ءتيىمدى قامتاماسىز ەتكەنى ءۇشىن باسقا ۆەدومستۆولار قاتارىندا ۇ ق ك ورگاندارىنا دا ريزاشىلىعىن بىلدىرگەن.
«كوپتەگەن مەملەكەت باسشىلارى مەن باسقا دا مەيمانداردىڭ قاتىسۋىمەن وتكەن «ەكسپو-2017» - نىڭ اشىلۋ سالتاناتىن قامتاماسىز ەتكەن ەلىمىزدىڭ بۇكىل پوليتسيا قىزمەتىنە، ۇلتتىق قاۋىپسىزدىك كوميتەتىنە، «سىربار» سىرتقى بارلاۋ قىزمەتىنە جانە باسقا دا ورگاندارعا العىس جاريالاعىم كەلەدى»، - دەدى قازاقستان پرەزيدەنتى.
ۇ ق ك ءتوراعاسىنىڭ ايتۋىنشا، كوميتەت قىزمەتكەرلەرى شەتەلدىك استىرتىن ارەكەتتەرگە تويتارىس بەرگەن. «وتكەن 25 جىل ىشىندە ءبىزدىڭ قارسى بارلاۋشىلارىمىز جەتكىلىكتى دەڭگەيدە تاجىريبە مەن ماشىقتارعا يە بولدى. مەملەكەتتىك قۇپيالاردى قورعاۋدىڭ، بارلاۋ- ءبۇلدىرۋ ارەكەتى مەن قازاقستاننىڭ ىشكى ىسىنە زاڭسىز ارالاسۋعا قارسى تۇرۋدىڭ وزىندىك جۇيەسى قالىپتاستى. ءبىرقاتار شپيوندىق ارەكەتتەر مەن جەكەلەگەن شەتەلدىك ارنايى قىزمەتتەر مەن ۇيىمداردىڭ مەملەكەتتىك ورگاندارعا سىنالاپ كىرىپ، قۇپيا اقپاراتتارعا قول جەتكىزۋ جوسپارلارىنىڭ جولى كەسىلدى.
«ساپفير» جانە «ۆيكتوريا» قارسى بارلاۋ وپەراتسيالارى اسا جوعارى دەڭگەيدە وتكىزىلدى. 2007 -جىلى ا ق ش پرەزيدەنتى دج. بۋش: «ا ق ش تاريحىندا يادرولىق تاراتپاۋ ىسىندە قازاقستاننان اسقان ارىپتەس ازىرشە بولعان ەمەس»، - دەپ كەزدەيسوق ايتپاسا كەرەك»، - دەپ جازادى كارىم ءماسىموۆ.
ونىڭ ايتۋىنشا، حالىقارالىق قالىپتاسقان جاعدايلارعا بايلانىستى ۇ ق ك مەكەمەنى جاڭعىرتۋ جانە رەبرەندينگ جاساۋ جۇمىستارى جالعاستىرىلىپ كەلەدى. «زامان تالابى ەلىمىزدىڭ الدىنا جاڭا سىناقتار قويىپ وتىر. بۇل جايت قاۋىپسىزدىك قىزمەتىنىڭ قىراعىلىعىن، ۇتقىرلىعىن، تەحنيكامەن جابدىقتالۋىن جانە ەرەكشە شەشىم قابىلداۋىن قاجەت ەتەدى. ءبىز الدىن الا ارەكەت جاساۋدى مەڭگەردىك جانە بۇگىندە ۇ ق ق كەز كەلگەن تاپسىرمانى ورىنداۋعا ءازىر ەكەنىن ايتا الامىز»، - دەيدى ق ر ۇ ق ك ءتوراعاسى.
