قاراعاندىدا ەكى مىڭعا جۋىق بالا بيۋدجەت ەسەبىنەن سىرتتاعى لاگەرلەردە دەمالادى

ول ءۇشىن 43 ميلليون 485 مىڭ تەڭگە بولىنگەن، دەپ حابارلايدى وبلىس اكىمدىگىنىڭ رەسمي سايتى.

 «ساليۋت» لاگەرىندە 12 كۇندىك ەكىنشى ماۋسىم اياقتالدى. وسى ارالىقتا مۇندا 841 بالا تەگىن دەمالدى. 15-تامىزعا دەيىن ءالى ەكى ماۋسىم بار. قاراعاندى قالاسىنىڭ ءبىلىم ءبولىمىنىڭ مالىمەتتەرى بويىنشا، بيىلعى جازدا قالا سىرتىنداعى لاگەرلەردە بيۋدجەت جانە اتا- انالداردىڭ قارجىسى ەسەبىنەن بارلىعى 19 مىڭنان استام قاراعاندىلىق بالالار دەمالا الادى.

 سونداي- اق، تاعى 50 مىڭعا جۋىق بالا مەكتەپ ىشىلىك لاگەرلەردە دەمالۋدا. ەگەر مەكتەپتە جوندەۋ جۇمىستارى ءجۇرىپ جاتسا، وندا وقۋشىلار جاقىن ماڭداعى مەكتەپتەردىڭ لاگەرلەرىنە بارا الادى. الدىن الا ەسەپتەۋلەر بويىنشا، 30 مىڭنان استام بالا دەمالىس كەزىندە ءوزى مەن قورشاعان ورتا ءۇشىن پايدالى ىستەرمەن اينالىسادى. ولار جوندەۋ- قۇرىلىس كوماندالارىنىڭ، قالانى جاسىلداندىرۋ جاساقتارىنىڭ، اۋلا كلۋبتارىنىڭ قاتارىندا ءجۇر جانە ءتۇرلى ۇيىرمەلەرگە قاتىسۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى