كوپ سەريالى «قازاق حاندىعى» كوركەم فيلمىنىڭ جالعاسى قاشان تۇسىرىلەدى
بۇل تۋرالى بۇگىن «قازاقفيلم» كينوستۋدياسىندا وتكەن باسپا ءسوز ءماسليحاتىندا «الماس قىلىش» فيلمى مەن «قازاق حاندىعى» سەريالىنىڭ رەجيسسەرى رۇستەم ءابدىراش ايتتى.
«سەريالدىڭ ەكىنشى كەزەڭى «قازاق حاندىعى. التىن تاق» دەگەن اتاۋمەن تۇسىرىلەدى. باسىندا «قازاق حاندىعى. التىن تۇعىر» دەگەن اتاۋمەن باستاماق بولعانبىز. التىن تۇعىردان «التىن تاق» كوممەرتسيالىق تۇرعىدا وتىمدىرەك بولادى دەپ ويلادىق.
وقيعا جەلىسى بويىنشا، قازاق حاندارىنىڭ سىعاناقتى قايتادان قايتارۋى كورسەتىلمەك. سىعاناقتاعى التىن تاقتى ءوز ەنشىسى ساناپ، وزدەرىنە قايتارۋى كورسەتىلمەك. سول جەردە جانىبەكتى حان كوتەرەدى. سەبەبى، سول جورىقتا كەرەي قايتىس بولادى. ەكىنشى ماۋسىم حاق- نازاردىڭ دۇنيەگە كەلۋىمەن اياقتالادى»، - دەدى رۇستەم ءابدىراش.
كوپ سەريالى «قازاق حاندىعى» كوركەم فيلمىنىڭ جالعاسى، نەگىزگى ءتۇسىرىلىمى ق ر مادەنيەت جانە سپورت مينيسترلىگى تاپسىرىسى بويىنشا، ش. ايمانوۆ اتىنداعى «قازاقفيلم» كينوستۋدياسىندا تۇسىرىلەتىن بولادى.
«ەكىنشى ماۋسىم ءتۇسىرىلىمى قاپشاعايداعى قالپىنا كەلتىرىلگەن سىعاناق قالاسىندا، جامبىل وبلىسىنىڭ قۇلان اۋىلى ماڭىندا، كوپ جىلقىلار ىشىندە، سوسىن ايشا ءبيبى، ازىرەت سۇلتان باسىندا، ۇلىتاۋداعى جوشى حاننىڭ باسىندا ءبىرقاتار ەپيزودتار تۇسىرەمىز دەگەن ويىمىز بار. مۇنى ءبارى قاراجاتقا تىرەلەدى»، - دەدى رۇستەم ءابدىراش.
ەسكە سالا كەتەيىك، قازاق حاندىعىنىڭ 550 جىلدىعىنا وراي تۇسىرىلگەن «الماس قىلىش» فيلمىنىڭ تۇساۋكەسەرى 2017 -جىلدىڭ 5 - قاڭتارىندا جالپى ۇلتتىق پروكاتقا شىققان. تولىقمەتراجدى كوركەم فيلم پروكاتتان 72 ميلليون تەڭگەدەن استام قارجى جينادى. ال ون سەريالى «قازاق حاندىعى» تاريحي كينوتۋىندىسى «31 - ارنادان» ناۋرىز ايىندا كورسەتىلگەن بولاتىن.
اۆتور: الماس مۇقاش ۇلى
