استاناعا گولليۆۋد جۇلدىزدارى كەلەدى

استانادا ورتا ازياداعى وراسان زور كينوفورۋم بولىپ تابىلاتىن ХІІІ حالىقارالىق «ەۆرازيا» كينوفەستيۆالى وتەدى. بۇل تۋرالى «ەۋرازيا» كينوفەستيۆالىنىڭ ۇيىمداستىرۋشىلارى ءمالىم ەتتى. شارا ەلوردادا 22-28- شىلدە ارالىعىندا بولادى.

كينوفەستيۆالدىڭ شەتەلدىك قوناقتارى گولليۆۋدتىڭ جارقىن جۇلدىزدارى - «وسكار» جانە «التىن گلوبۋس» لاۋرەاتى نيكولاس كەيدج، دجون مالكوۆيچ جانە ەدريەن بروۋدي، امەريكالىق اكتريسا باي لين، پروديۋسەر ماركو ميۋللەر، - دەلىنگەن باسپا ءسوز بايانىندا.

«13- رەت وتەتىن كينوفەستيۆالدىڭ باعدارلاماسى «مادەنيەتتەر كوپىرى» تاقىرىبىن قامتيدى. شارا «استانا ەكسپو-2017» حالىقارالىق كورمەسىنىڭ تۇجىرىمداماسىمەن ۇندەس» ، - دەيدى ۇيىمداستىرۋشىلار.

«ەۆرازيا» ح ك ف- لى 2016-2017 -جىلدارى جارىق كورگەن كەڭ اۋقىمدى الەمدىك فيلمدەردىڭ كورسەتىلىمىن ۇسىنادى. «بەس قۇرلىق» بالالار فيلمدەرىنىڭ كونكۋرسى، سونىمەن قوسا، ەكسپو-2017-مەن بىرىگىپ ۇيىمداستىرىلعان دامۋشى ەلدەر باعدارلاماسى «6 پلازا» وتەدى. كينەماتوگرافيا سالاسىنداعى ۇلتتىق «تۇلپار» جۇلدەسىن تابىستاۋ ءۇشىن قازاقستان، ورتالىق ازيا جانە تۇركى تىلدەس حالىقتار فيلمدەرىنىڭ كورسەتىلىمدەرى بولادى.

تاريحتا تۇڭعىش رەت «ەۆرازيا» ح ك ف- نىڭ اياسىندا ت م د، شىعىس (قىتاي، ءۇندىستان، وڭتۇستىك كورەيا) جانە باتىس (ەۆروپا، امەريكا) ەلدەرىنىڭ فيلم ساتۋشىلارى مەن ساتىپ الۋشىلارىنىڭ قاتىسۋىمەن Eurasia Film Market ءداستۇرلى بيزنەس- الاڭى كينوجوبالار پيتچينگتەرىن، دوڭگەلەك ۇستەلدەرىن، باسپا ءسوز- كونفەرەنتسيالارىن، شەبەرلىك- ساعاتتارىن جانە ارنايى ءىس- شارالارىن ۇسىنادى.

ۇيىمداستىرۋشىلاردىڭ ايتۋىنشا، «ەۆرازيا» كينوفەستيۆالىن وتكىزۋدەگى باستى ماقسات قازاقستاندىق كينويندۋستريانى دامىتۋ، كينو ونەرىنە كەڭ جۇرتشىلىقتىڭ قىزىعۋشىلىعىن ارتتىرۋ جانە ازيا مەن ەۆروپا ەلدەرىنىڭ جەمىستى ىنتىماقتاستىعى ءۇشىن شارتتار ويلاستىرۋ.

XIII حالىقارالىق «ەۆرازيا» كينوفەستيۆالى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ تاپسىرىسىمەن «ۇلتتىق كينەماتوگرافيا ونەرى مەن عىلىمدارىنىڭ اكادەمياسى» قوعامدىق بىرلەستىگىمەن ىسكە اسىرىلادى.

Baq.kz 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى