قازاقستاندا ازاماتتىقتان ايىرۋ جازاسىنا قانداي قىلمىستار كىرەدى
داۋلى زاڭ جوباسىن مامىردا پارلامەنت ءماجىلىسى، ماۋسىمدا سەنات ماقۇلداعان. زاڭ بويىنشا، قىلمىستىق كودەكسكە ەلدىڭ «ومىرلىك ماڭىزى بار مۇددەلەرىنە اۋىر زيان كەلتىرۋ» جانە «اسا اۋىر تەرروريستىك قىلمىستار جاساۋعا» قاتىستى ازاماتتىقتان ايىرۋ تۇرىندەگى قوسىمشا جازا تاعايىندالادى.
ازاماتتىقتان ايىرۋ جازاسى تاعايىندالاتىن قىلمىستار ساناتىندا تەرروريزم اكتىسى، تەرروريستىك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ، جالدامالىلىق، قازاقستان پرەزيدەنتىنىڭ ومىرىنە قول سۇعۋشىلىق، ادامدى كەپىلگە الۋ، گەنوتسيد، ەكوتسيد، سەپاراتيستىك ارەكەت، ەكسترەميستىك توپ قۇرۋ جانە وعان باسشىلىق ەتۋ، بيلىكتى باسىپ الۋعا، كونستيتۋتسيالىق قۇرىلىمدى كۇشتەپ وزگەرتۋگە شاقىرۋ، مەملەكەتكە وپاسىزدىق جاساۋ سياقتى قىلمىستار بار.
