استانادا سۇرانىسقا يە ماماندىقتار ءتىزىمى جاسالدى

مالىمەتتەرگە سايكەس، ەلوردا بۇرىنعىداي جۇمىسشى ماماندىقتارعا ءزارۋ. رەيتينگتىڭ ءبىرىنشى جولىندا قۇرىلىسشى ماماندىعى تۇر. تەك بيىلعى جىلدىڭ وزىندە ءتۇرلى قالالىق كاسىپورىنداردان 3 مىڭعا جۋىق سۇرانىس تۇسكەن. جانە بۇل ماماندىققا دەگەن سۇرانىس الداعى جىلدارى تۇراقتى بولادى.

استانادا ءارتۇرلى جۇمىستاردى اتقاراتىن ادامدارعا قاجەتتىلىك ەكى ەسەگە از. دەگەنمەن، بۇل كاسىپ تاپشى ماماندىقتار رەيتينگىنىڭ ەكىنشى ورنىندا تۇر. جىل باسىنان 1,7 مىڭ بوس ورىن بولدى. ءۇشىنشى ورىندا - مەديتسينا قىزمەتكەرلەرى. 2017 -جىل باستالعالى جۇمىسپەن قامتۋ ورتالىعىنا جۇمىس بەرۋشىلەردەن 705 سۇرانىس تۇسكەن.

بۇل رەتتە، مامانداردىڭ بولجاۋىنشا، اق حالاتتىلارعا دەگەن سۇرانىس الداعى جىلدارى تۇراقتى تۇردە ارتىپ وتىراتىن بولادى. ەلوردادا سونداي-اق اس ءۇي جۇمىسشىلارىنا، مەنەدجەرلەرگە، ەدەن جۋۋشىلارعا، مونتاجداۋشىلارعا، جۇرگىزۋشىلەر مەن اعاش شەبەرلەرىنە سۇرانىس تۇراقتى. ودان بولەك، اكىمشىلەر، كونديتەرلەر، اسپازشىلار، كۇزەتشىلەر مەن تىگىنشىلەرگە بوس ورىندار جەتەرلىك.

2017 -جىلدىڭ ءبىرىنشى توقسانىندا استانا قالاسىندا جۇمىسسىزدىق دەڭگەيى 4,6 پايىزدى قۇرادى.

اۋدارما: ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى