مۇگەدەكتەر نەگە ءوزىن جالعىز سەزىنەدى
بۇل Sense قايىرىمدىلىق قورى جۇرگىزگەن ساۋالناما ناتيجەسىندە بەلگىلى بولدى، دەپ جازادى bbc.com. الەۋمەت تانۋشى مامانداردىڭ ايتۋىنا قاراعاندا، مۇمكىندىگى شەكتەۋلى جاس ادامداردىڭ %75 ى وزدەرىن جالعىز سەزىنەدى. جازىلمايتىن دەرتىن نەمەسە مۇمكىندىگىنىڭ شەكتەۋلى ەكەندىگىن بىلەتىن جاس ادامدار باقىتسىز ءومىر ءسۇرىپ جاتقانداي كۇيگە تۇسەدى- ءمىس.
موللي ۋاتت 12 جاستا جازىلمايتىن دەرتكە شالدىعىپ، ەستۋ قابىلەتىنەن ايىرىلعان. «مەن قازىر 23 جاستامىن، كەمتار ەكەندىگىمە ءمان دە بەرمەيمىن. ويتكەنى جالعىزدىق، ومىردەن ءتۇڭىلۋ سەزىمدەرىن جاس ءوسپىرىم شاقتا وتكەردىم. وسى وقيعا ارقىلى كىمنىڭ-كىم ەكەندىگىن ءبىلدىم. مەن جانىمداعى ادامداردىڭ مەنىمەن مۇسىركەپ، اياۋشىلىق ءبىلدىرىپ ەمەس، قالىپتى ادام رەتىندە قارىم-قاتىناس جاساعانىن قالايمىن»، - دەيدى م. ۋاتت.
