قىتاي قازاقستان جۇگەرىسىنە قىزىعۋشىلىق تانىتۋدا

China Xinjan International Agriculture Co. LTD جاۋاپتى باسشىسى لۋ يۋۋچي ايتتى، دەپ حابارلايدى قازاقپارات.

«قازىرگى ۋاقىتتا ءبىز استىق تاسىمالىن جۇزەگە اسىرىپ جاتىرمىز. الايدا بۇل ونىمگە دەگەن سۇرانىستى تولىقتاي قاناعاتتاندىرمايدى. ياعني، سۇرانىس ۇلكەن. ءبىراق، ءبىز تاڭداپ الىپ وتىرعان لوگيستيكا ۇلگىسى تولىق كولەمدە قامتاماسىز ەتە المايدى. قازاقستان مەن قىتايدىڭ شەكارالىق بەكەتتەرىندە ساقتاۋ قويمالارىن سالۋ كەرەك. دەگەنمەن، اتالعان قويمالار قۇرىلىسىن قارجىلاندىرۋ قايدان الىنادى؟ بۇل ماسەلەنى دە قازاقستان تارابىمەن تالقىلاۋىمىز كەرەك»، - دەدى ول. لۋ يۋۋچي كوتەرگەن ەكىنشى ماسەلە جۇگەرى بولدى.

 ونىڭ ايتۋىنشا، شىنجاڭ ولكەسى قازاقستاندىق جۇگەرى يمپورتىنا قىزىعۋشىلىق تانىتىپ وتىر.

«ءبىز قىتاي تارابىنان جۇگەرى تاسىمالداۋعا رۇقسات الدىق. قازىرگى ۋاقىتتا قىتاي مەن قازاقستان اتالعان ءونىمدى تاسىمالداۋ تۋرالى حاتتاماعا قول قويمادى. سوندىقتان بۇل ماسەلەدە مەملەكەتتىڭ جانە مۇددەلى ۇيىمداردىڭ قولداۋى قاجەت. بولاشاقتا ءبىز قازاقستانمەن اۋىل شارۋاشىلىعى سالاسىنداعى تىعىز سەرىكتەستىككە، ءوزارا پايدالى ءارى ءتيىمدى ىنتىماقتاستىققا دايىنبىز»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى