استانادا ءبي بايقاۋىنىڭ جەڭىمپازدارى انىقتالدى

اتالمىش شارانى قالالىق جاستار ساياساتى جونىندە باسقارما ۇيىمداستىردى. «بال بيلەرى» اتالىمىندا ارتۋر لي مەن اناستاسيا لي جەڭىسكە جەتتى، «حالىق ءبيى» اتالىمى بويىنشا ءمادينا مەكەبايەۆانىڭ باسشىلىعىمەن «سامۇرىق» ءبي مەكتەبى توپ جاردى، «حالىق ءبيى» (شاعىن توپ) اتىلىمى بويىنشا «ەسىل» توبىنىڭ ءبي ۇجىمى، «حيپ- حوپ» اتالىمى بويىنشا جاستار سارايىنىڭ «پوكولەنيە چۋدەس» ءبي توبى العا وزدى، «برەيك- دانس» اتىلىمىندا ءادىل جانتايەۆ جەڭىسكە جەتتى.

«دانس باتتل» اتالىمى بويىنشا قازاقستاندىق «Simplе System»  ءبي ستۋدياسىنا تەڭ كەلەر ەشكىم بولمادى، «زاماناۋي بيلەر» (شاعىن توپ) اتالىمى بويىنشا №63 -ورتا مەكتەپتىڭ «Gold Step» كومانداسى جاقسى ونەر كورسەتتى.

- مەنىڭ ويىمشا، بۇل وتە قىزىقتى بايقاۋ، ونىڭ باستى ماقساتى ەلىمىزدىڭ جاستارىنىڭ باسىن قوسۋ، - دەدى «سالسا» ءبيىنىڭ جەڭىمپازى ديانا مادىرايموۆا.

 سونداي- اق شارا بارىسىندا قازاقستاننىڭ ەسترادا جۇلدىزدارى الماس كىشكەنبايەۆ جانە ەلوردالىق «قازاق قىزدارى» توبى ونەر كورسەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى