بۋراباي جاعاجايىندا اقى نە ءۇشىن تولەنەدى

بەلگىلى بولعانداي، جاعاجايعا بارعان ادامدار اقىلى دارەتحانانىڭ ورناتىلۋىنا نارازىلىق بىلدىرگەن.

«دەمالىسقا كەلگەندەر سۋ قويماسىن لاستاپ جۇرگەنى تاڭعالارلىق جاعداي ەمەس»، - دەپ جازدى فەيسبۋكتە گ. قۇسداۋلەتوۆا ەسىمدى پايدالانۋشى.

ونىڭ سوزىنە قاراعاندا، ۇشكۇندىك دەمالىستا دارەتحاناعا بارعان 10 ەرەسەك پەن 5 بالا 10 مىڭ تەڭگەگە جۋىق اقشاسىن جۇمساعان. «دارەتحانالار ءبىزدىڭ مەنشىك ەمەس، ولاردى جالعا الامىز. سونىمەن قاتار ونداعى تازالىقتى قامتاماسىز ەتۋ ءۇشىن ءتيىستى شىعىندار بار ەكەندىگى بەلگىلى، سەبەبى ول جەرگە ورتالىق كارىز جۇيەسى تارتىلماعان. ياعني كۇنىنە ەكى مارتە، ال ادامدار كوپ كەلگەندە ءۇش رەتتەن تازارتامىز. كولىكتى شاقىرتىپ، ءبىر رەت تازارتۋعا 3,5 مىڭ تەڭگە تولەنەدى. وعان قوسا، كۇنى بويى دارەتحانانىڭ تازالىعىن تارتىپكە كەلتىرۋشى ادامنىڭ بولەك ەڭبەك اقىسى بار»، - دەيدى جاعاجايدى باسقارۋشى جاندوس بايگەنجينوۆ.

ايتا كەتەيىك، ەرەسەكتەر ءۇشىن جاعاجاي اۋماعىنا كىرۋ قۇنى 1000 تەڭگە بولسا، 3 تەن 12 جاسقا دەيىنگى بالالار مەن زەينەتكەرلەر ءۇشىن 500 تەڭگەدەن تولەنەدى. ءۇش جاسقا دەيىنگى بالالار ءۇشىن جاعاجاي اۋماعىنا بارۋ - تەگىن. بۇل باعالار سوڭعى ءۇش جىلدا ساقتالىپ تۇر. كىرۋ ءۇشىن ءبىر رەت جاسالعان تولەم ارقىلى كۇنى بويى جاعاجايداعى اعاش جاتاقتار مەن ورىندىقتاردى تەگىن پايدالانۋعا بولادى.

«ىشتە ورنالاسقان اتتراكسيوندار بالالار ءۇشىن اقىسىز ەكەنىن ادامدار ەسكەرمەيدى، ياعني وسىنداعى باتۋت، سىرعاناۋعا ارنالعان توبەشىكتەر جاساقتالىپ، كاتامارانى بار بالالار باسسەينى قويىلعان»، - دەدى بايگەنجينوۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى