كوفەنىڭ ءومىردى ۇزارتاتىنى دالەلدەندى
عالىمدار Annals of Internal Medicine جۋرنالىندا زەرتتەۋ ناتيجەسىن جاريالادى، دەپ مالىمدەدى ا ق ش- تاعى وڭتۇستىك كاليفورنيا ۋنيۆەرسيتەتى.
ماماندار 190 مىڭ ەرىكتىنى باقىلاۋعا الىپتى. ولاردىڭ ىشىندە ءتۇرلى ءناسىلدى ۇلت وكىلدەرى بولعان. ساۋالناماعا 45 جاستان 75 جاسقا دەيىنگى ادامدار قاتىستىرىلعان. تۇتىنۋ مولشەرىنە قاراي كوفە ىشەتىندەردىڭ ءوزى بىرنەشە توپقا بولىنگەن كورىنەدى.
ورتاشا باقىلاۋ كەزەڭى 16 جىلدى قامتىعان. زەرتتەۋ جۇرگىزىلگەن ارالىقتا شامامەن 60 مىڭ ادام، ياعني ونىڭ ىشىندە %36 ى جۇرەك- قان تامىرلارى اۋرۋلارىنان، %31 ى قاتەرلى ىسىكتەن قايتىس بولعان.
زەرتتەۋ ناتيجەسىن قورىتىندىلاي كەلە (جىنىسى، جاسى، تەمەكى تارتۋ، الكوگولدى سۋسىنداردى پايدالانۋ جانە فيزيكالىق بەلسەندىلىك دەڭگەيى) كۇنىنە 1 رەت كوفە ءىشۋ ءولىم- ءجىتىمنىڭ بارلىق سەبەپتەرىن 12 پايىزعا دەيىن تومەندەتسە، كۇنىنە 3 رەت كوفە ءىشۋ ءولىم- ءجىتىمدى 18 پايىزعا ازايتاتىنىن دالەلدەگەن.
«كوفەنىڭ قۇرامىندا كەزدەسەتىن انتيوكسيدانتتار مەن فەنولدى قوسىلىستار قاتەرلى ىسىكتىڭ الدىن الۋدا ماڭىزدى ءرول اتقارادى»، - دەيدى زەرتتەۋشى ۆەرونيكا سەتياۆان.
Baq.kz
