قازاقستان دارىگەرلەرى ءۇشىن ءبىرىڭعاي پوشتا قىزمەتى اشىلادى

بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى ەلجان ءبىرتانوۆ ءمالىم ەتتى، دەپ حابارلايدى قازاقپارات.

«قازاقتەلەكوم» ا ق- مەن بىرلەسە ءبىرقاتار جوبالار ىسكە اسىرىلۋدا، ونىڭ ىشىندە دارىگەرلەر ءۇشىن ءبىرىڭعاي پوشتا قىزمەتى بار. جوبا اياسىندا 8 مىڭ تىركەۋ جازباسى قۇرىلدى. جۇيەگە دارىگەرلەر كۇنىنە شامامەن 170 مىڭ رەت كىرەدى. اتالعان قىزمەت دارىگەرلەرگە ءوزارا بايلانىس قۇرۋعا، سالاداعى ءتۇرلى تاقىرىپتاردا پىكىر الماسۋ ءۇشىن توپتاردى جاساقتاۋعا مۇمكىندىك بەرەدى.

سونىمەن قاتار مينيسترلىك ول جۇيەنى مەديتسينالىق قىزمەتكەرلەردىڭ اقپاراتتارىن تاراتۋعا پايدالانادى. قازىرگى كەزدە 250 مىڭ ورتا جانە كىشى مەديتسينالىق قىزمەتكەرلەر ءۇشىن تىركەۋ جازبالارىن قۇرىپ جاتىرمىز»، - دەدى مينيستر.

ونىڭ سوزىنە قاراعاندا، ەلىمىز بويىنشا ينتەرنەت جەلىسىنە قوسىلعان مەديتسينالىق ۇيىمداردىڭ ورتاشا كورسەتكىشى 53 پايىزدى قۇراپ وتىر. بۇل تۇرعىدا استانا مەن الماتىدا 100 پايىزدىق دەڭگەي قامتاماسىز ەتىلگەن، ال تومەن كورسەتكىشتەر سولتۇستىك قازاقستان (15 پايىز)، پاۆلودار (33 پايىز)، قوستاناي (27,7 پايىز)، قاراعاندى (34,9)، شىعىس قازاقستان (29,4 پايىز)، اقتوبە (36,8 پايىز) جانە اقمولا (23,2 پايىز) وبلىستارىندا بايقالۋدا.

«سونىمەن بىرگە وڭىرلەر مەن استانا جانە الماتى قالالارىنىڭ بارلىق قالالىق، وبلىستىق دەنساۋلىق ساقتاۋ ۇيىمدارى مەن اۋداندىق ورتالىق اۋرۋحانالار ينتەرنەتكە قوسىلعان. اۋىلدىق جەرلەردە تەحنيكالىق مۇمكىندىكتەردىڭ جوقتىعىنان دەنساۋلىق ساقتاۋ ۇيىمدارىنىڭ جەلىگە قوسىلۋ پروبلاماسى بار»، - دەدى ءبىرتانوۆ.

بەلگىلى بولعانداي، جۇزەگە اسىرىلىپ جاتقان جوبا اياسىندا 2017-2019 -جىلدارداعى ءبىرىنشى كەزەڭدە دەنساۋلىق ساقتاۋ مەكەمەلەرىن ينتەرنەتپەن قامتاماسىز ەتۋ جوسپارلانىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى