جاس مامانداردىڭ وندىرىسكە بەيىمدەلۋى ۇزاققا سوزىلادى - جاس عالىمدار كەڭەسى
«قازىرگى كەزدە ۋنيۆەرسيەتتەردىڭ بارلىعى دەرلىك يندۋسترياعا قاجەت، ال، ەڭ باستىسى، سوعان ساي مامانداردى دايىنداپ جاتىر دەپ ايتۋعا بولمايدى. يندۋستريانىڭ ءوزى ناقتى ءبىر مامانداردى قالاسا دا، بۇگىنگى وقۋ باعدارلامالارى ونداي قىزمەتكەرلەردى دايارلاۋعا ساي كەلمەيدى. ءبىر سوزبەن ايتقاندا، ەسكىرىپ قالعان. وسىنىڭ سالدارىنان وندىرىسكە كەلەتىن باكالاۆر مامانى تاعى بەس جىلداي بەيىمدەلەدى. دەمەك، ءتورت جىل وقيدى، بەس جىلىن تاعى بەيىمدەلۋگە كەتىرەدى. ءسويتىپ، باقانداي توعىز جىلدان كەيىن ءبىر نارسەنى ىستەي باستايدى. بۇل - تىم ۇزاق پروتسەس. قازىرگى نارىق زامانى وندايدى كوتەرمەيدى»، - دەيدى تومانوۆ.
ونىڭ ايتۋىنشا، بۇگىندە اقپاراتتىق تەحنولوگيالار سالاسىنداعى يننوۆاتسيالاردى وندىرىسكە ەنگىزۋ ءۇشىن جەتى جىلداي ۋاقىت قاجەت. ال كەيبىر قىتايلىق كومپانيالار ول جۇمىستى التى ايدىڭ ىشىندە ىسكە اسىرىپ جاتادى.
«سونىڭ ءبارى قىتايلىق كومپانيالاردىڭ قولىنان كەلسە، بىزگە ولاردىڭ تاجىريبەسىن ءوز ەلىمىزدە نەگە ەنگىزبەسكە؟ ارينە، بۇل جەردە عالىمداردىڭ ەڭبەگى زور. سەبەبى ولار ناقتى وندىرىسكە قاتىستى ساراپتاما جاساپ، ءتيىمدى ءارى پايدالى ۇسىنىستار جاساي الادى. مىسالى، ءبىزدىڭ ۇلتتىق كومپانيالارىمىز بەلگىلى ءبىر تەحنولوگيانى ساتىپ الادى. ءبىراق ول ەسكىرگەن بولىپ شىعادى. ونداي وقيعالار از ەمەس. ال عىلىم مەن ءوندىرىس اراسىنداعى مىقتى بايلانىس ورناتىلسا، زامان تالابىنا ساي تەحنولوگيالاردى الۋعا بولادى. سەبەبى عالىمدار ونىڭ ءبارىن ساراپتاپ وتىرادى»، - دەپ اتاپ كورسەتتى جاس عالىمداردىڭ باسشىسى.
