گولوۆكيننىڭ جەڭىسىنە سەنەتىندەر ازايىپ كەلەدى - ساۋالناما

سايتتىڭ وقىرماندارى گەننادي گولوۆكين (37-0, 33 ك و) مەن ساۋل الۆارەس (49-1-1, 34 ك و) اراسىنداعى جەكپە-جەكتىڭ جەڭىمپازىن تاڭداعان بولاتىن، دەپ حابارلايدى قازاقپارات ءتىلشىسى.

پورتالدىڭ مالىمەتىنە سايكەس، GGG- دىڭ جەڭىسىنە سەنەتىن فاناتتاردىڭ سانى ازايىپ كەلەدى. سەبەبى العاشقى ساۋالنامادا جانكۇيەرلەردىڭ 80 پايىزى گەننادي گولوۆكينگە، ال قالعان 20 پايىزى ساۋل الۆارەسكە داۋىس بەرسە، اعىمداعى جىلدىڭ باسىندا اتالعان كورسەتكىش 60/40 بولىپ وزگەردى. سوڭعى ساۋالناما بويىنشا گولوۆكيننىڭ جەڭىسىنە سەنەتىندەر 57 پايىزعا دەيىن تومەندەدى.

«كانەلوعا» فاناتتاردىڭ 43 پايىزى داۋىس بەرگەن. ايتا كەتەيىك، گولوۆكين- الۆارەس جەكپە-جەگى 16 -قىركۇيەكتە ا ق ش- تىڭ لاس- ۆەگاس قالاسىندا وتەدى.

قازىردىڭ وزىندە بارلىق بيلەتتەر ساتىلىپ كەتكەن. ۋاقىت ايىرماشىلىعىنا بايلانىستى اتالعان جەكپە-جەك قازاقستاندا 17 -قىركۇيەك كۇنى تاڭەرتەڭ كورسەتىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى