جازاسىن وتەپ جاتقان باقىتبەك ەسەنتايەۆ جۋرناليستەرمەن سۇحباتتاسۋدان باس تارتتى
الايدا بايان ماقسات قىزىنىڭ بۇرىنعى كۇيەۋىنىڭ جاعدايى تۋرالى قاتاڭ رەجىمدەگى تۇزەتۋ مەكەمەسى باسشىسىنىڭ ورىنباسارى ءاليحان مولدىبايەۆ بايانداپ بەردى.
«سوتتالۋشى ەسەنتايەۆ 9 جىلدىق جازاسىنىڭ ءبىر جىلعا جۋىق ۋاقىتىن وتەپ شىقتى. وعان قانداي دا ءبىر جەڭىلدىك كورسەتىلىپ جاتقان جوق. ءتىپتى تۇرمە ىشىندەگى جۇمىسقا دا ورنالاستىرىلماعان. سەبەبى بوس جۇمىس ورنى جوق»، - دەيدى مولدىبايەۆ.
ەستەرىڭىزگە سالا كەتەيىك، باقىتبەك ەسەنتايەۆ وسىدان ءبىر جىل بۇرىن ايەلى بايان ماقسات قىزىن سوققىعا جىعىپ، پىشاقتاعان بولاتىن. كەيىننەن پروديۋسەر بايان ماقسات قىزى بۇرىنعى كۇيەۋىنىڭ بۇل ارەكەتىن كەشىردى. الايدا زاڭ الدىندا ءبارى بىردەي دەگەن قاعيداتپەن سوت ب. ەسەنتايەۆتى ادام ولتىرۋگە وقتالۋ بابى بويىنشا كىنالى دەپ تانىپ، 9 جىلعا باس بوستاندىعىنان ايىردى.
اۆتور: سامال قابىشەۆا
