قازاقستاننىڭ قۇرمەتتى كونسۋلدارىنا جاڭا مىندەتتەر جۇكتەلدى
دەپ حابارلايدى قازاقپارات ءتىلشىسى.
«بۇگىنگى شارانىڭ نەگىزگى ماقساتى - قازاقستاننىڭ قۇرمەتتى كونسۋلدارىنىڭ ەكونوميكالىق ءرولىن كۇشەيتۋ. نەگىزى، شەتەلدە جۇرگەن قازاقستان ازاماتتارىنىڭ قۇقىقتارىن قورعاپ، ەلشىلىكتەردىڭ جۇمىسىنا قولعابىس جاساۋ - قۇرمەتتى كونسۋلدارىنىڭ باستى مىندەتى بولىپ سانالادى. ەندىگى كەزەكتە ەكونوميكالىق ديپلوماتياعا باسىمدىق بەرىلەدى. سەبەبى مەملەكەت باسشىسى نۇرسۇلتان نازاربايەۆ سىرتقى ىستەر مينيسترلىگىنە ينۆەستيتسيالاردى تارتۋ جانە قازاقستاندىق ەكسپورتى دامىتۋ مىندەتتەرىن جۇكتەپ وتىر. بىزدىڭشە، قۇرمەتتى كونسۋلدار وسى جۇمىسقا بەلسەنە اتسالىسا الادى»، - دەدى تىلەۋبەردى بۇگىن قۇرمەتتى كونسۋلدار سەزىندە.
بۇگىنگى شارا بارىسىندا ق ر ينۆەستيتسيالار جانە دامۋ مينيسترلىگى، «قازاق ينۆەست» ۇلتتىق كومپانياسى، «بايتەرەك» حولدينگى جانە «اتامەكەن» كاسىپكەرلەر وداعى شەتەلدىك ينۆەستورلار ءۇشىن قازاقستاندا جاسالىپ جاتقان جاعدايلار جايىندا كەڭىنەن اڭگىمەلەپ بەردى.
ايتا كەتەيىك، سيەزد كەزىندە ق ر ينۆەستيتسيالار جانە دامۋ ۆيتسە- ءمينيسترى ەرلان قايىروۆ قازاقستانداعى شەتەل ينۆەستيتسيالارىنىڭ ارتىپ جاتقانىن جەتكىزدى. بۇدان بولەك، تۇرعىن- ءۇي قۇرىلىس جيناق بانكىن جەكەشەلەندىرۋ جۇمىسى جالعاسۋدا. قازاقستاننىڭ شەت مەملەكەتتەردەگى قۇرمەتتى كونسۋلدارىنىڭ سيەزى بارىسىندا ءبىرقاتار ديپلوماتتار ماراپاتتالدى. ولاردىڭ ىشىندە قازاقستاننىڭ سيرياداعى قۇرمەتتى كونسۋلى سايد ناحاس مىرزاعا ەرەكشە العىس ايتىلدى. سەبەبى ول اسكەري قاقتىعىستار كەزىندە قازاقستان ازاماتتارىنىڭ ەلگە قايتۋىنا كومەكتەستى.
اۆتور: ارمان اسقاروۆ
