قازاقستان ازاماتتارىن سيريادان شىعارۋ شاراسى اسكەري وپەراتسياعا اينالدى - ق ر س ءى م

دەپ حابارلايدى قازاقپارات ءتىلشىسى.

«ءبىز سايد ناحاس مىرزاعا ەرەكشە العىسىمىزدى ايتايىق دەپ ەدىك. سەبەبى ول كىسى سيرياداعى قارۋلى قاقتىعىستار ايماعىنان قازاقستان ازاماتتارىن شىعارۋعا ۇلكەن كومەك كورسەتتى. شىنى كەرەك، ول جۇمىس وڭايعا سوقپادى. قازاقستاندىقتاردى ەلگە قايتارۋ شاراسى كادىمگىدەي اسكەري وپەراتسياعا اينالدى. ويتكەنى سول كەزدە قارۋلى قاقتىعىستار قاتتى ءجۇرىپ جاتقان. قۇرمەتتى كونسۋلىمىز قولدا بارىن جاساپ، قارۋلى كۇزەتكە دەيىن تاۋىپ بەردى. ولار ارنايى مارشرۋت بويىنشا سيريانىڭ قاۋىپتى ايماقتارىمەن ءجۇردى. جول- جونەكەي قارۋلى وپپوزيتسيانىڭ بىرنەشە توپتارى ارقىلى وتۋگە تۋرا كەلدى. ءسويتىپ، بەيرۋت پەن ليۆان ارقىلى قازاقستانعا امان- ەسەن جەتتى. سول ءۇشىن سايد ناحاس مىرزاعا شىن العىسىمىزدى ايتامىز»، - دەيدى ق ر سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ باسشىسى ارداق ماديەۆ.

 ايتا كەتەيىك، بۇگىنگى شارا بارىسىندا چەحيا، حورۆاتيا، يتاليا، گەرمانيا، ۋكراينا، مولدوۆا، جاپونيا، سولتۇستىك افريكا مەن پاكىستانداعى قازاقستاننىڭ قۇرمەتتى كونسۋلدارى ماراپاتتالدى. بارلىعىنا «ق ر ديپلوماتيالىق قىزمەتىنە 25 جىل» مەرەيتويلىق مەدالى تابىستالدى. بۇگىندە قازاقستاننىڭ شەت ەلدەردەگى كونسۋلدارى ينۆەستيتسيالاردى تارتىپ، سان الۋان ماسەلەلەردى شەشۋمەن اينالىسادى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى