قازاقستان مەن مالازيا حالال- يندۋستريا بايلانىستارىن نىعايتپاق - فوتو
«قازاقستان وڭتۇستىك- شىعىس ازيا ەلدەرى ىشىندە مالازيانى ماڭىزدى ساۋدا- ەكونوميكالىق سەرىكتەس رەتىندە قاراستىرىپ وتىر. وسى ورايدا ساۋدا- ەكونوميكالىق بايلانىستاردا ەكىجاقتى وڭتايلى كورسەتكىشتەردى اتاپ وتكىم كەلەدى. قازاقستان مەن مالازيا اراسىنداعى سىرتقى ساۋدا اينالىمى 2017 -جىلدىڭ 4-ايىندا 26,1 ميلليون ا ق ش دوللارىن قۇراپ، وتكەن جىلدىڭ سايكەس كەزەڭىمەن سالىستىرعاندا 30,2 پايىزعا جوعارى بولدى»، - دەدى جۇماعۇلوۆ.
ونىڭ سوزىنە قاراعاندا، سىرتقى ەكونوميكالىق سەنىمدى ءارى ۇزاق مەرزىمگە نەگىزدەلگەن سەرىكتەس رەتىن مالازيامەن ارادا ءتۇرلى سالالاردا قاتىناستاردى نىعايتۋ كوزدەلىپ وتىر.
«ءبىز وسى بايلانىستاردى جوعارى باعالايمىز، سوندىقتان دا جۇمىس توپتارىنىڭ اياسىندا حالال- يندۋستريا، يسلامدىق قارجىلاندىرۋ، تۋريزم، جاڭاراتىن ەنەرگيا، مۇناي مەن گاز جانە ينۆەستيتسيالىق ىنتىماقتاستىق بويىنشا قاتىناستاردى نىعايتۋعا نيەتتىمىز. اتاپ ايتقاندا، ەكسپو كورمەسىندە مالازيا پاۆيلونىنىڭ اشىلۋى ءبىزدىڭ ەلدەر اراسىنداعى ءوزارا ءىس- قيمىلدىڭ جوعارى دەڭگەيىن دالەلدەپ وتىر. بۇل رەتتە تۇراقتى دامۋدى قامتاماسىز ەتۋدە ۇستانىمداردىڭ سايكەس كەلىپ وتىرعاندىعىن بايقاۋدامىز»، - دەدى ۆيتسە- مينيستر.
ءوز كەزەگىندە مالازيانىڭ ەنەرگەتيكا، جاسىل تەحنولوگيالار جانە سۋ رەسۋرستارى ءمينيسترىنىڭ اتقارۋشى ورىنباسارى داتۋك سەري سك ديەۆاماني ەلدەرىندە قايتا جاڭعىرتىلاتىن ەنەرگيا كوزدەرىن ەلەۋلى تۇردە ارتتىرۋ ماقساتى تۇرعانىن جەتكىزدى.
«قازىرگى ۋاقىتتا ءبىزدىڭ ەنەرگيا قۋاتىن وندىرەتىن كوزدەرىمىز 22,5 پايىز كولەمدە سۋ مەن كۇن ەنەرگياسىنا، بيوگاز جانە بيوماسساعا تيەسىلى. مالازيانىڭ ون ءبىرىنشى جوسپارىنا سايكەس، 2020 -جىلعا قاراي قايتا جاڭعىرتىلاتىن ەنەرگيا ءوندىرىسىن 2080 مۆت- قا جەتكىزۋدى كوزدەپ وتىرمىز»، - دەدى د. ديەۆاماني.
اۆتور: رۋسلان عابباسوۆ
