الاكولگە كەلۋشىلەردىڭ سانى ارتۋدا

 ەكى اپتانىڭ ىشىندە قۇتقارۋشىلار سۋدان 7 ادامنىڭ ءومىرىن امان الىپ قالدى. قازىرگى تاڭدا الماتى وبلىستىق توتەنشە جاعدايلار دەپارتامەنتىنىڭ كول جاعاسىنداعى جەدەل قۇتقارۋ جاساعىندا 13 ادام جۇمىس ىستەيدى. تۋريستەردىڭ قاۋىپسىزدىگىنە جاۋاپتى ماماندار دەمالۋشىلاردان سۋدا بارىنشا اباي بولۋدى سۇرايدى.

 «بىرىنشىدەن، بالالاردى ەرەسەكتەردىڭ باقىلاۋىنسىز قالدىرماڭىزدار. ىشىمدىك ءىشىپ، سۋعا تۇسپەڭىزدەر. بۇگىنگى تاڭدا 13 ادام وسى جاساقتا جۇمىس ىستەسە، ونىڭ بىرەۋى مەدبيكە، قالعاندارى قۇتقارۋشىلار مەن سۇڭگۋىرلەر. تۋريستەرگە سۋدا قاۋىپسىزدىك ەرەجەلەرىن ساقتاۋ جونىندە ءتۇسىندىرىپ، جۇمىستار جۇرگىزىپ جاتىرمىز»، - دەيدى الاكول قۇتقارۋ بولىمشەسىنىڭ جەتەكشىسى مارات سماعۇلوۆ.

كۇننىڭ اپتاپ ىستىعىندا الاكولگە اعىلىپ جاتقانداردىڭ قاراسى قالىڭ. سول سەبەپتى دەمالۋشىلار سۋ پوليتسياسىن قۇرسا دەگەن ۇسىنىستارىن دا ايتىپ جاتىر. ولاردىڭ پىكىرىنشە، مۇنداي قىزمەت ءتۇرى ءتارتىپتىڭ قاتاڭ ساقتالۋىنا وڭ اسەر ەتەدى.

 جالپى، بۇگىنگى تاڭدا الاكول جاعالاۋىندا 132 دەمالىس ورنى حالىققا قىزمەت كورسەتۋدە. بيىل 900 ورىنعا ارنالعان تاعى 10 نىساننىڭ اشىلۋى جوسپارلانۋدا. سونداي- اق تۋريستەردىڭ كەلىپ- كەتۋىنە ىڭعايلى بولۋ ءۇشىن ارنايى اقشي اۋىلىندا تەمىر جول ۆوكزالى سالىنىپ جاتىر. جوبا قۇنى 186 ميلليون تەڭگەنىڭ قۇرىلىسى بيىل مامىردا باستالىپ، 1 - قاراشادا اياقتالادى.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى