سولتۇستىك قازاقستان وبلىسىنىڭ اكىمدىگى قىتايمەن بايلانىستى كۇشەيتپەك
«وبلىس ەكونوميكاسى دامىتۋ ءۇشىن قىتايدىڭ 40-تان استام ءىرى وڭدەۋشى كاسىپورىندارىن تارتقىمىز كەلەدى. سونداي- اق وڭدەۋشى سالا، ماشينا جاساۋدا ىنتىماقتاستىق تۋرالى كەلىسىمگە كەلۋدى كوزدەيمىز. بۇل قىتايدان قوسىمشا ينۆەستيتسيا تارتۋعا جانە ەكى اراسىنداعى تاۋار اينالىمىن ۇلعايتىپ، قوسىمشا جۇمىس ورىندارىن اشۋعا مۇمكىندىك جاسايدى»، - دەدى س ق و اكىمىنىڭ ورىنباسارى داۋرەن جانداربەك.
«ءبىز قازاقستانعا ءوز تەحنولوگيالارىمىز بەن جابدىقتارىمىزدى اكەلگىمىز كەلەدى. ءسويتىپ تاراپتارعا ءتيىمدى مۇمكىندىكتەردى اشقىمىز كەلەدى»، - دەدى «لۋان» كومپانياسىنىڭ اتقارۋشى ديرەكتورى ليۋ تسزيۋن.
ايتا كەتەيىك، «لۋان» تاۋ- كەن كومپانياسى شانسي پروۆينتسياسىنىڭ بەس ءىرى كومىر كورپوراتسيالارىنىڭ ءبىرى. كومپانيانىڭ جىلدىق اينالىمى 20 ميلليون يۋان.
