الماتى زووباعىندا تاعى ءبىر جانۋار «باسپانالى» بولدى

 شوشقا تۇقىمداسقا جاتاتىن مارتين اتتى ءتاپيردىڭ «اپارتامەنتى» 760 شارشى مەتردى الىپ جاتىر. ونىڭ 90 شارشى مەتر اۋماعىندا جاڭا باسسەين سالىندى. سونىمەن قاتار، كولەڭكەلى جانە قۇمدى ايماق، باتپاقتى ۆاننا جاسالدى. باسپانا ماسەلەسىن شەشىپ العان سوڭ زووباق قىزمەتكەرلەرى ونى «ۇيلەندىرۋدى» جوسپارلاپ وتىر.

ۇرعاشى تاپير نوۆوسىبىر قالاسىنان اكەلىنەدى. قىس مەزگىلىندە ولار جىلى ورىنعا كوشىرىلەتىن بولادى.

 ايتا كەتۋ كەرەك، بۇعان دەيىن الماتى زووباعىندا ءبىرقاتار جانۋارلاردىڭ ەسكى ۆولەرلەرى بۇزىلىپ، قايتا جاسالعان بولاتىن. ونىڭ ىشىندە اق ايۋ الكور، قازاقستانداعى ەڭ ۇزىن پيتون بار. الماتىلىق بيزنەسمەندەر اق ايۋمەن قاتار قارا ايۋلاردىڭ جاعدايىن جاقسارتۋعا كىرىستى. جاقىن ارادا ايۋلار مەن امۋر جولبارىسى ەكسپوزيتسياسىنىڭ قۇرىلىسى باستالادى.

 اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى