تاجىكستاندا بارلىق جەردە شىلىم شەگۋگە تىيىم سالىنادى

تاجىك ۇكىمەت «تەمەكى ونىمدەرىن شەكتەۋ تۋرالى» زاڭ جوباسىن ازىرلەۋدە. 2010 -جىلى شىققان زاڭمەن سالىستىرعاندا شىلىم شەگۋگە قاتىستى نورمالار كۇشەيتىلەدى.

جاڭا زاڭ بويىنشا اكىمشىلىك عيماراتتارىندا، مەملەكەتتىك جانە مەملەكەتتىك ەمەس جۇمىس كابينەتتەرىندە، تۇرعىن ۇيلەردىڭ كىرەبەرىسىندە، ليفتىدە، اۋەجايدا، قوعامدىق كولىكتەردە تەمەكتى تارتۋعا تولىق تىيىم سالىنادى.

ايتا كەتەرلىگى، قازىر وسى ماقساتتارعا ارنايى قاراستىرىلعان ورىنداردا شىلىم شەگۋگە رۇقسات بەرىلگەن. سونىمەن قاتار جاڭا قۇجات بويىنشا ەلدەگى دەنساۋلىق ساقتاۋ، ءبىلىم، الەۋمەتتىك قورعاۋ، مادەنيەت، سپورت جانە ءدىني ۇيىمدارعا ءجۇز مەتردەن جاقىن جەردە تەمەكى ونىمدەرىن ساتۋعا تىيىم سالىنادى.

 سونداي- اق تەمەكى ونىمدەرىن ءبىر تالداپ ساتۋعا دا بولمايدى. تاجىكستاندا تەمەكى ونىمدەرىن باسقا دا تاۋارلار مەن قىزمەتتەرگە ايىرباستاۋعا، تۇرعىندارعا تەگىن تاراتۋعا تىيىم سالىنباق.

اۆتور: جانىبەك امانگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى