الماتىدا يمامدار سپورتتان باق سىناستى-فوتو

جۇما نامازىنان سوڭ الماتى قالاسى اكىمىنىڭ ورىنباسارى ارمان قىرىقبايەۆ پەن نۇربەك اۋەسحان ۇلى ءسوز الىپ، جينالعان قاۋىمدى مەرەكەمەن قۇتتىقتادى.

قازاق حالقىنىڭ مادەنيەتى مەن ءداستۇرىن ناسيحاتتاپ، بىرلىك پەن ىنتىماقتى دارىپتەۋ ماقساتىندا ۇيىمداستىرىلعان شاراعا قالاداعى 48 مەشىتىنىڭ وكىلدەرى قاتىستى.

سونىمەن قاتار، الماتى تۇرعىندارى مەن قوناقتارى ۇلتتىق سپورت تۇرلەرىنەن باق سىناستى. اتاپ وتسەك، جينالعان حالىق قازاق كۇرەسى، اسىق اتۋ، گىر كوتەرۋ، باعاناعا شىعۋ، لاڭگى تەبۋدەن ءوزارا مىقتىنى انىقتادى. سونداي- اق، كورەرمەندەر «الاش ۇلى» توبىنىڭ ورىنداۋىنداعى ۇلتتىق اندەرىن، «دومبىرا» ءانسامبلىنىڭ ۇلتتىق اسپاپتارداعى تۋىندىلارىن، تىلەك ءبىلدىرۋشى كىشكەنتاي بۇلدىرشىندەردىڭ ولەڭدەرىن تىڭدادى.

جارىس جەڭىمپازدارى مەن جۇلدەگەرلەرىنە مەرەكەلىك شارا ۇيىمداستىرۋشىلارىنىڭ اتىنان باعالى سىيلىقتار تابىستالدى.

ايتا كەتسەك، قوشقار كوتەرۋدەن جۇيرىك اتانعان جاسۇلان قولتىقبايەۆ 35 كەلىلىك قوشقاردى 110 مارتە كوتەرىپ ۇزدىك اتانسا، تاعى ءبىر ازامات گىر كوتەرۋدەن 16 كەلىلىك تەمىردى 38 مينۋتتا كوتەرىپ ەل ىقىلاسىنا بولەندى.

«دايىندىقسىز قوشقاردى جەڭىپ الۋ وڭاي ەمەس. الايدا، ءوزىم جۇك تاسۋشى بولعاندىقتان، مەن ءۇشىن بۇل ۇيرەنشىكتى جاتتىعۋ دەسەم دە بولادى. وسىنشاما قاتىسۋشىنىڭ ىشىنەن مىقتى اتانامىن دەپ ويلامادىم. ءبىراق، مەن ودان دا كوپ كوتەرە الامىن. مەرەكە وتە ۇنادى، بۇل سپورتتىق شارا كەرەمەت كوڭىل- كۇي سىيلادى. ۇيىمداستىرۋشىلارعا دەگەن العىسىم شەكسىز»، - دەدى جەڭىمپاز جاسۇلان.

سونداي- اق، مەرەكە قوناقتارى ءۇشىن ارنايى كيىز ۇيلەر، باتۋت قالاشىعى، ويىن الاڭدارى جاسالدى. بالالارعا ارنالعان ءتۇرلى سايىستار وتكىزىلىپ، ءتاتتى تاعامدار مەن سۋسىندار تاراتىلدى.

ەرتەڭ مەشىت جاماعاتى مەن يمامدار اراسىندا «نارحوز» ۋنيۆەرسيتەتى ستاديونىندا فۋتبول جارىسى وتەدى.

 سپورتتىق شارانى الماتى قالاسى دەنە شىنىقتىرۋ جانە سپورت باسقارماسى مەن ءدىني باسقارماسى ۇيىمداستىرىپ وتىر.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى