وليمپيادا چەمپيونى ۆينوكۋروۆتىڭ اكەسى پەتروپاۆلدا وتكەن ۆەلوسيپەد جارىسىنا قاتىستى - فوتو
ۆەلوسيپەدشىلەر جارىسى الەكساندر ۆينوكۋروۆ اتىنداعى سپورت سارايى عيماراتىنان باستاۋ الىپ، قالالىق جەڭىس ساياباعىندا مارەگە جەتتى. دەنەشىنىقتىرۋ جانە سپورت ءبولىمىنىڭ باسشىسى دانيار جولداسپايەۆتىڭ مالىمدەۋىنشە، ۆەلوجارىسقا 4 جانە 70 جاس ارالىعىنداعى 200 دەن استام ادام قاتىستى.
ولاردىڭ قاتارىندا قالالىق بالالار جانە جاسوسپىرىمدەردىڭ ۆەلوسيپەد سپورتى مەكتەبىنىڭ تاربيەلەنۋشىلەرى، سولتۇستىك قازاقستان وبلىسىنداعى دەنەشىنىقتىرۋ جانە سپورت ءبولىمىنىڭ باسشىسى رۋسلان ەسەنالين، وليمپيادا چەمپيونى الەكساندر ۆينوكۋروۆتىڭ اكەسى نيكولاي ۆينوكۋروۆ جانە «ۆەلوسيپەد سپورتىنىڭ قازاقستاندىق فەدەراتسياسى» ءو ق ۇ- ىنىڭ سولتۇستىك قازاقستان وبلىسىنداعى فيليالىنىڭ پرەزيدەنتى مۇحتار يگىبايەۆ بولدى. ۆەلوجارىس ناتيجەسى بويىنشا جەڭىمپازدارعا باعالى سىيلىقتار تاپسىرىلدى.
