اكىم ەلورداداعى بەينە كامەرالار سانى قانشا ەكەنىن ايتىپ بەردى

بۇل تۋرالى بۇگىن «قالا د ن ك- سى: قوعامداستىق. بيزنەس. بيلىك» ءبىرىنشى ۋربانيستىك فورۋمىندا ەلوردا اكىمى اسەت يسەكەشەۆ ءمالىم ەتتى، دەپ حابارلايدى قازاقپارات.

«ءومىر ساپاسى جايىندا ايتار بولساق، ءبىز 34 الەۋمەتتىك ستاندارت ازىرلەدىك. ولار قادامدىق قولجەتىمدىلىك ۇستانىمى بويىنشا انىقتالعان. بۇلار ساياباقتار، سپورتتىق الاڭدار، ەمحانالار، ۋچاسكەلىك پوليتسيا بەكەتتەرى، دۇكەندەر مەن بالاباقشالار. ءبىز 129 سەكتوردان تۇراتىن، 10 مىڭعا دەيىن ادامدى قامتيتىن باعدارلاما ازىرلەدىك. ولاردىڭ بارلىعى دا اتالعان ستاندارتتارمەن قامتىلۋى ءتيىس»، - دەدى اسەت يسەكەشەۆ.

ونىڭ ايتۋىنشا، قالا اكىمدىگى 2020 -جىلعا دەيىن قالالىقتار ءۇشىن ىڭعايلى بارلىق الەۋمەتتىك جانە ەكونوميكالىق ستاندارتتاردى ازىرلەۋدى ماقسات ەتىپ وتىر.

«وسى جىلدىڭ سوڭىنا دەيىن 10 مىڭ بەينە كامەرا ورناتىلاتىن بولادى. ازىرشە ولاردىڭ سانى ەڭ ماڭىزدى ورىنداردا 3 مىڭدى قۇرايدى. مۇنان بولەك 109 قىزمەتى جۇمىس ىستەپ تۇر. تۇرعىنداردى الاڭداتقان بارلىق اقپاراتتاردى جيناقتاپ وتىرامىز. 5 ايدىڭ ىشىندە 300 مىڭ حابارلاما مەن قوڭىراۋ كەلىپ ءتۇستى. ءبىز ولاردى كۇن سايىن قارايمىز جانە قالانىڭ قاي اۋدانىندا تۇرعىنداردى نە الاڭداتاتىندىعىن بىلەمىز. ماسەلەن، 5 پروتسەنتىن سۋمەن قامتۋداعى ىركىلەستەر، 10 پروتسەنتىن قوعامدىق كولىكتەگى جاعدايلار الاڭداتادى. ءبىز بۇل ماسەلەلەردى تەز ارادا شەشۋگە كومەكتەسەمىز»، - دەدى ەلوردا اكىمى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى