قازاقتىڭ اتاقتى جەلاياعى بەيجىڭگە ۆەلوسيپەدپەن اتتاندى - فوتو
ونىڭ وسى جولعى ساپارىنا لەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتى دەمەۋشىلىك جاساپ وتىر. سول سەبەپتى مارافونشى بۇگىن ۋنيۆەرسيتەت الاڭىنان جولعا شىقتى. «مەنىڭ ماقساتىم - قازاق ەلىن الەمدىك قوعامداستىققا تانىتۋ، قازاقستان- قىتاي اراسىنداعى حالىقارالىق ىنتىماقتاستىقتى ارتتىرۋ جانە «ەكسپو-2017» مامانداندىرىلعان حالىقارالىق كورمەنى ناسيحاتتاۋ. سول ارقىلى ءوسىپ كەلە جاتقان جاس ۇرپاقتىڭ بويىنا پاتريوتتىق سەزىم ۇيالاسا ەكەن دەيمىن»، - دەدى د. يمانقاجى.
جولدىڭ قاشىقتىعى - 6200 شاقىرىم. مارافونشى قازاقستاندا استانا- نوۆوماركوۆكا- ەرەيمەنتاۋ- شىدەرتى- ءتورتقۇدىق- اقسۋ- قىزىلقوعام- كانونەركا- سەمەي- شار-قالباتاۋ- كوكپەكتى- اقمەكتەپ- زايسان- مايقاپشاعاي باعىتىمەن جۇرسە، قىتاي حالىق رەسپۋبليكاسىندا زيمۋناي(جەمەنەي)- ءۇرىمجى- شانشي ارقىلى بەيجىڭگە بارادى.
اۆتور: ارمان اسقاروۆ
