ءۇشقوڭىر جايلاۋىندا ... سۋرەتتەر سويلەيدى
الاتاۋدىڭ اسقار شىڭدارعا جالعاسقان جارتاستى بولشەگى دەپ جورامالدايسىڭ. شىندىعىندا، بيىككە كوتەرىلگەندە عانا ادام جانارىن جاۋلاپ الاتىن تاماشا جايلاۋدىڭ جاسىرىنىپ جاتقانىن اڭعاراسىڭ.
ءۇشقوڭىر- ىلە الاتاۋىنىڭ ەڭ اسەم دە، كورىكتى جايلاۋى. جازدا جايناپ، اتىراپ كوك مايساعا ورانادى. كوزدىڭ جاۋىن الاتىن ادەمى پەيزاج، الا بۇلتتاردىڭ اسەرىنەن مىڭ قۇبىلعان اسپان، ءبارى- ءبارى تابيعاتتىڭ تاماشا كورىنىسىن بەينەلەيدى.
الىستان مەڭ مۇڭدالاعان ءۇش شىڭ، جايلاۋدىڭ ءۇشقوڭىر اتالۋىنا سەبەپ بولسا كەرەكتى. توسىندە مىڭىراعان مال، الىسقا شاپقان جىلقى، بيىكتەن ءۇن قاتقان بۇركىت داۋىسى قوسىلعاندا، بەينە- ءبىر عاجايىپ الەمگە ەنىپ كەتكەندەي سەزىنەسىڭ...
دوسجان بالابەك ۇلى
سۋرەتتەردى تۇسىرگەن اۆتور
«ايقىن»
