ەلوردانى الەمنىڭ ەڭ ۇزدىك وتىز قالاسىنىڭ قاتارىنا قوسۋ جۇمىستارى قىزۋ جۇرگىزىلۋدە - اسەت يسەكەشيەۆ
دەپ حابارلايدى قازاقپارات.
«قۇرمەتتى استانالىقتار جانە قالا قوناقتارى! سىزدەردى ەلوردامىزدىڭ ءتول مەرەكەسى - استانا كۇنىمەن شىن جۇرەكتەن قۇتتىقتايمىن! استانا كۇنى - تاۋەلسىز ەل تاريحىنداعى ايرىقشا مەيرام. ەلوردا - تاۋەلسىزدىگىمىزدىڭ سيمۆولى، ەل دامۋىنىڭ لوكوموتيۆى جانە بارشا قازاقستاندىقتاردىڭ ورتاق ماقتانىشى. بيىل ەلوردانىڭ قازاقستان استاناسى بولعانىنا 19 جىل. وسى ۋاقىت ىشىندە قالامىز ەلباسى نۇرسۇلتان نازاربايەۆتىڭ تىكەلەي باس بولۋىمەن ەكونوميكاسى قۋاتتى، ەڭسەسى بيىك، وركەندەگەن شاھارعا اينالدى»، دەيدى قالا باسشىسى.
ودان بولەك، اسەت ورەنتاي ۇلى قازىرگى تاڭدا ەلوردانى الەمنىڭ ەڭ ۇزدىك وتىز قالاسىنىڭ قاتارىنا قوسۋ جۇمىستارى قىزۋ جۇرگىزىلىپ جاتقانىن اتاپ وتكەن. سونداي- اق، استانانىڭ بوي كوتەرۋى - سان عاسىرلىق بابالار اماناتىنىڭ ورىندالۋى دەپ باعا بەرگەن.
«ەۋرازيا تورىندە وزىندىك ءسان- سيپاتى قالىپتاسقان، داۋلەتى مەن ساۋلەتى كەلىسكەن مەگاپوليستىڭ بوي كوتەرۋى سان عاسىرلىق بابالار اماناتىنىڭ ورىندالۋى دەپ بىلەمىن. استانامىز وركەندەي بەرسىن. دەندەرىڭىزگە ساۋلىق، ىستەرىڭىزگە بەرەكە تىلەيمىن!» دەپ تۇيىندەگەن ءسوزىن اكىم.
