استاناداعى «دوللار» اتانىپ كەتكەن عيماراتتىڭ تاريحى

 ارحيتەكتۋراسى جانە تەحنيكالىق جاعىنان ايرىقشا ەتىپ سالىنعان 12 قاباتتى قارجى مينيسترلىگىنىڭ عيماراتى سول كەزدەرى بىرەگەي ساۋلەت ۇلگىسى عانا بولىپ قويماي، سونداي- اق تەحنيكالىق جاعىنان كۇردەلىلىگىمەن تاڭعالارلىق قۇرىلىس بولعان ەدى. مۇنى ەلباسى نۇرسۇلتان نازاربايەۆ تا ءوزىنىڭ «ەۋرازيا جۇرەگىندە» دەپ اتالاتىن كىتابىندا زور تەبىرەنىسپەن جازعان بولاتىن.

«قازاقستان قارجى مينيسترلىگىنىڭ عيماراتى دا ءوزىنىڭ جەلبىرەگەن جالاۋداي ەرەكشە پىشىنىمەن كوز تارتادى. عيمارات كەيدە تەربەلگەن تولقىندى ەلەستەتەدى. دەسەك تە، استانانىڭ كوزى وتكىر كەيبىر تۇرعىندارى بۇل عيماراتتىڭ پىشىنىنەن امەريكالىق دوللاردىڭ سۇلباسىن كورە قالىپتى. ءسويتىپ بۇل عيماراتىمىز «دوللار» اتانىپ كەتتى. استاناداعى وسى كوز تارتارلىق عيماراتتىڭ باس ساۋلەتشىسى، ساۋلەت جانە قالا قۇرىلىسى دەپارتامەنتىنىڭ ديرەكتورى ۆلاديمير لاپتيەۆتىڭ تۇسىندىرۋىنشە، بۇل ەڭ باسىندا، قازاقستان رەسپۋبليكاسى تۋىنىڭ تاسقا اينالعان بەينەسى رەتىندە ويلاستىرىلعان ەكەن. ساۋلەتشىلەردىڭ پىكىرىنشە، كوگىلدىر قاسبەتكە شاعىلىسقان كۇن ساۋلەسى عيماراتتى جايىلعان ماتانىڭ سۋرەتىنە اينالدىرادى، ال كوك جۇزىندە كوشكەن قازباۋىر بۇلتتاردىڭ جوڭكىلگەن كولەڭكەسى وسى الىپ ماتانى جەلدەي جەلبىرەتىپ تۇرعانداي اسەرگە بولەۋى ءتيىس. بالكىم، عيماراتتىڭ قاسبەتى بارىنشا كوگىلدىر بولماي، سودان دا عيمارات- تۋدىڭ اسەرى جۇرتقا جەتىڭكىرەمەي جاتقان شىعار. سوعان قاراماستان، عيمارات پىشىنىنەن استانالىقتاردىڭ ءبىرىنشى كەزەكتە «دوللاردى» تاپ باسۋىن ءوز باسىم بوتەن كورمەيمىن. «دوللار» بولسا، «دوللار» بولسىن... ەڭ باستىسى سۇلۋ دا سۇيكىمدى عيمارات پايدا بولدى»، - دەپ جازعان ەدى ەلباسى نۇرسۇلتان نازاربايەۆ.

1999 -جىلى پايدالانۋعا بەرىلگەن عيماراتتىڭ جالپى اۋماعى  32400 شارشى مەتردى قۇرايدى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى