شىمكەنتتە «اسقاقتاي بەر، استانا!» سالتاناتتى شاراسى ءوتتى - فوتو
سالتاناتتى شارادا ءسوز سويلەگەن وبلىس اكىمى جانسەيىت تۇيمەبايەۆ جينالعان جۇرتشىلىقتى استانا كۇنىمەن قۇتتىقتاپ، باس قالانىڭ 20 جىلدا جەتكەن جەتىستىكتەرىنە توقتالدى، دەپ حابارلايدى قازاقپارات ح ا ا ءتىلشىسى.
«بارشاڭىزدى استانا كۇنىمەن شىن جۇرەكتەن قۇتتىقتايمىن! ەلباسىمىز نۇرسۇلتان ءابىش ۇلى نازاربايەۆ وسىدان 23 جىل بۇرىن ياعني 1994 - جىلدىڭ 6 - شىلدەسىندە جوعارعى كەڭەستىڭ وتىرىسىندا استانانى اۋىستىرۋ جونىندەگى وتە ماڭىزدى باستامانى كوتەرگەن بولاتىن. تاۋەلسىزدىكتىڭ العاشقى جىلدارىنداعى قيىندىقتى باستان كەشىپ جاتقاندىقتان ارينە، جالپى قوعام بۇل يدەيانى تولىق قولداي المادى. ەلباسىمىز تاباندى ساياساتكەرگە ءتان مىنەزبەن مەملەكەت تاعدىرىنداعى تاڭداۋلى ساتتە تايسالماي، بارلىعىن سەندىرە ءبىلدى. پرەزيدەنتىمىزدىڭ كورەگەندىلىگىن ءدال بۇگىنگى ۋاقىت اينا- قاتەسىز كورسەتىپ تۇر»، - دەدى جانسەيىت تۇيمەبايەۆ.
مۇنان سوڭ وبلىس اكىمى ءبىرقاتار ازاماتتىڭ ومىراۋىنا «وبلىسقا سىڭىرگەن ەڭبەگى ءۇشىن» توسبەلگىسىن تاقتى. ماراپاتتالعانداردىڭ قاتارىندا وڭتۇستىك قازاقستان وبلىسى قورعانىس ىستەر جونىندەگى دەپارتامەنتىنىڭ باسشىسى تالعات ءالىقۇلوۆ، وڭتۇستىك قازاقستان وبلىستىق سوتىنىڭ ءتوراعاسى تالعات باراتبەكوۆ، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ءالي كومەكبايەۆ جانە باسقا دا ازاماتتار بار.
ءىس- شارا سوڭى مەرەكەلىك كونسەرتتىك باعدارلاماعا ۇلاستى. استانا كۇنىنە ارنالعان «ارناۋ» كومپوزيتسياسى شىرقالدى. قازاقتىڭ تاريحىنان سىر شەرتەتىن ق. احمەدياروۆتىڭ «ەلباسى»، قۇرمانعازىنىڭ «سارى ارقا» كۇيلەرىن «سۇگىر» اتىنداعى قازاق ۇلت اسپاپتار وركەسترى ورىندادى. ج. شانين اتىنداعى وبلىستىق اكادەميالىق قازاق دراما تەاترى مەن وبلىستىق ءازىل- سىقاق تەاترى ارتىستەرىنىڭ ورىنداۋىندا «اتا- بابا اماناتى» تەاترلاندىرىلعان قويىلىمى كورسەتىلدى.
«دالا دانالىعى» ءبيىن مىڭ بۇرالعان بيشىلەر - «قازىنا» بي ءانسامبلى ورىنداپ، «تۇمار» فولكلورلىق ءانسامبلىنىڭ سۇيەمەلدەۋىمەن قاراكوز ابدۋشاريپوۆا، وسەرباي ءبورىحانوۆ، تۇرار المەنوۆ، التىناي اكىم، باعدات سەيىتبەكوۆتەر ەلباسىنىڭ سۇيىكتى اندەرىنەن پوپۋرري شىرقاپ، №2 ساز مەكتەبى جانە قالالىق بالالار مەن جاسوسپىرىمدەر ورتالىعى وقۋشىلارىنىڭ «اسقاقتاي بەر، استانا!» پوەتيكالىق- سازدى كومپوزيتسياسىنا ۇلاسادى. سوڭىندا، ءىس- شارا قاتىسۋشىلارى ن. نازاربايەۆتىڭ سوزىنە جازىلعان ب. تىلەۋحاننىڭ «ەلىم مەنىڭ» ءانىن اۋەلەتتى.
اۆتور: اينۇر اقبايەۆا 
