گيننەستىڭ رەكوردتار كىتابىنا ەنۋى مۇمكىن استاناداعى «ءابۋ- دابي پلازا» جايىندا نە بىلەمىز

بۇل نىسان استانانىڭ كوركىن كەلتىرەتىن كوركەم ساۋلەتتى كەشەن ەكەنى ءسوزسىز. سوندىقتان ول وتە ماڭىزدى ءىرى جوبالاردىڭ ساناتىنا جاتقىزىلعاندىقتان، استانا كۇنىنە وراي ەلوردادا بوي كوتەرىپ جاتقان وسى اۋقىمدى ءارى ءىرى نىسان جايىندا اقپاراتتى كوپشىلىك نازارىنا ۇسىنۋدى ءجون كوردىك.

اتاپ ايتقاندا، بۇگىندە استاناداعى «ءابۋ- دابي پلازا» كوپ فۋنكتسيونالدى كەشەنى قازاقستان مەن بىرىككەن اراب امىرلىكتەرى اراسىنداعى كەلىسىمنىڭ نەگىزىندە سالىنىپ جاتىر. قازىرگى كەزدە كەشەن اۋماعىنداعى ءبىرقاتار نىسانداردىڭ قۇرىلىسى مارەگە جەتسە دە، سونىڭ ىشىندەگى ەڭ بيىك عيماراتتىڭ قۇرىلىسى جالعاسۋدا. ول قازاقستاندا عانا ەمەس، ورتالىق ازيا بويىنشا دا ەڭ بيىك قۇرىلىس نىسانى بولماق. بۇدان بۇرىن حابارلانعانداي جالپى جوبانىڭ قۇنى - 1,6 ميلليارد ا ق ش دوللارى. كەشەن قۇرىلىسى 2011 -جىلدىڭ ناۋرىزىندا باستالىپ، بولجام بويىنشا 2018 -جىلدىڭ جەلتوقسانىندا تولىق پايدالانۋعا بەرىلەدى دەپ كۇتىلۋدە.

«ءابۋ- دابي پلازا» كەشەنى ءتۇرلى ماقساتتاعى بلوكتاردان تۇرادى، ولاردىڭ بارلىعى بىرگە كوپ فۋنكتسيونالدىق بيىك عيماراتتى قۇرايدى. اتاپ ايتقاندا، وندا كەڭسەلەر، قوناق ءۇي، تۇرعىن ءۇي كەشەنى بار. قۇرىلىستىڭ جالپى اۋدانى 500 مىڭ شارشى مەترگە جۋىق. بۇعان دەيىن «الدار» كومپانياسى ديرەكتورلار كەڭەسىنىڭ ءتوراعاسى ابۋباكەر سەدديك ەل حۋري «ءابۋ- دابي پلازا» كەشەنى گيننەستىڭ رەكوردتار كىتابىنا كىرۋى مۇمكىن ەكەنىن ءمالىم ەتكەن بولاتىن.

«بۇل «بايتەرەكتىڭ» كورىنىسى اشىلىپ تۇراتىن كوپ بەيىندى كەشەن بولادى. عيمارتتىڭ بيىكتىگى 320 مەتردى قۇرايدى. نەگىزى، بۇل تولىق بيىكتىگى ەمەس. بالكىم بۇكىل ورتالىق ازيا بويىنشا گيننەستىڭ رەكوردتار كىتابىنا كىرىپ قالارمىز. مۇندا بىرىككەن اراب امىرلىگىندەگى نىساندار قۇرىلىسىندا پايدالاناتىن بارلىق جاڭاشىلدىقتار قولدانىلادى»، - دەدى ول.

 بيىكتىگى 75 قاباتتى قۇرايتىن «R» بلوگىندا 106 مىڭ شارشى مەتردى قۇرايتىن 446 پاتەر بولادى. ال 29 قاباتتى «و» بلوگىنىڭ جالپى اۋماعى - 68 مىڭ شارشى مەتر. قوناقۇي مەن قىزمەت كورسەتۋ ورىندارىنا ارنالعان «ن» بلوگىنىڭ بيىكتىگى 14 قاباتتى قۇرايدى، جالپى اۋماعى - 32 مىڭ شارشى مەتر. 30 قاباتتى «Y» بلوگىندا تەك كەڭسەلەر عانا ورنالاسادى. ونىڭ جالپى اۋماعى - 64 مىڭ شارشى مەتر.

نەگىزىنەن تۇرعىن ۇيلەرگە ارنالعان 16 قاباتتى «Z» بلوگىندا جالپى اۋماعى 20400 شارشى مەتردى قۇرايتىن 122 پاتەر بولادى. قازىرگى ۋاقىتتا كەشەندە 3 قۇرىلىس كومپانياسى جۇمىس ىستەپ جاتىر. ونىڭ ءبىرى 2013 -جىلدىڭ ماۋسىمىندا انىقتالعان قۇرىلىس كەشەنىنىڭ جاڭا باس مەردىگەرى - «Arabtec» جانە «Consolidated Contractors Group» كومپانيالارىنان قۇرىلعان بىرىككە كاسىپكەرلىك. تىركەلگەن اتاۋى -

 Arabtec Consolidated Contractors Limited كومپانياسىنىڭ فيليالى.

فوتو: archi.ru

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى