نوبەل سىيلىعىنىڭ يەگەرى بوب ديلاننىڭ وقشاۋ ويلارى
ەرەكشە جاعداي. كۇردەلى شەشىم. امەريكالىق اۆتور، ورىنداۋشى، اقىن، سۋرەتشى، كينواكتەر بوب ديلاننىڭ الەم ادەبيەتىندەگى ۇلەسىنە كۇمان كەلتىرەتىندەر دە بار. ال، الەمدىك مۋزىكانى تىڭداۋعا اۋەس، اسىرەسە، روك باعىتىن جانى سۇيەتىندەر بۇل پىكىرگە قارسى بولارى انىق. ويتكەنى، جارتى عاسىر بويى بارشا بەلگىلى روك- توپتاردىڭ ەڭ تانىمال اندەرىن وسى بوب ديلان جازىپ كەلەدى. كىم قالاي سوكسە دە، ديلان شىعارماشىلىعىنىڭ ايرىقشا اسەر بەرەتىنىنە كۇمان جوق. بۇل ەرەكشەلىكتىڭ سەبەبى تانىمال تۇلعانىڭ ەرەكشە ويلارىنان تۋىنداسا كەرەك. ەندەشە، نازار اۋدارىڭىز.
***
مەن ءوزىمدى اقىن دەپ ساناعان ەمەسپىن، ماعان اقىن دەگەن ءسوزدىڭ ءوزى مۇلدەم ۇنامايدى. ***
بارلىعى: "ديلان ەشكىممەن سويلەسپەيدى"، - دەيدى. بۇل نە دەگەن ساندىراق. مەنىڭ قوعام الدىندا ءجيى پايدا بولۋىمنىڭ بۇعان ەش قاتىسى جوق.
***
تانىمال بولۋدىڭ جۇگى وتە اۋىر. يسا پايعامبار تىم تانىمال بولعانى ءۇشىن دە ونى اعاشقا كەرىپ تاستادى ەمەس پە!؟ مەن سوندىقتان دا ساياق جۇرگەندى ءجون دەپ بىلەمىن. مەن ەشقاشان قۇتقارۋشى نەمەسە پايعامبار بولۋدى قالاعان ەمەسپىن. ەلۆيس بولۋدى ارمانداعان بولۋىم ابدەن مۇمكىن. سول ءۇشىن دە مەن ءوزىمدى ونىڭ ورنىنا وپ- وڭاي قويا الاتىنمىن. ال پايعامبارعا ءوزىمدى ەشقاشان ۇقساتقان ەمەسپىن.
***
مەن ەلۆيستى العاش تىڭداعانىمدا، بىرەۋگە جۇمىس ىستەۋدىڭ جانە ەشكىمنىڭ مەنى باسقارۋى قاجەتسىز ەكەنىن ۇعىندىم دا، تار- قاپاستان بوساپ شىققانداي اسەردە بولدىم.
***
مەن ءالى جاس بالا بولماسام دا، تاڭ اتا ۇيقىمنان ويانا سالىسىمەن، بار كۇشىمدى سەزىمگە جەڭىدىرىپ «تاماشا، مەن ءالى- اق، كوپ وتپەي ەلۆيستى كورەتىن بولامىن» دەپ ارماندايمىن. ***
ءبىر كەزدەرى ماعان گيتلەردىڭ قاشان ءوزىن- ءوزى ولتىرگەنى تۋرالى سۇراق قويدى. مەن ءتىپتى ءوزىمنىڭ بالا كەزىمدى دە ۇمىتىپ قالعان اداممىن.
***
مەنىڭ وسكەن ورتام حيببينگتە (ميننەستون شتاتىنا قاراستى قالا) يەۆرەي ءدىندارلارى بولعان ەمەس. ولار، 13 جاسقا تولعانىمدا يەۆرەي داستۇرىنە ساي ءراسىمدى ورىنداۋعا، حيببينگكە جىلعا جۋىق ۋاقىتقا قىستىڭ ورتا كەزىندە اق ساقالدى، قار كيىمدى، بۋركلين شال ايەلى ەكەۋى اۆتوبۋسپەن كەلىپ تۇسكەن بولاتىن. ولاردىڭ ورنالاسقان جەرى قالانىڭ باستى ويىن- ساۋىق ورتالىعى بولعان، ناقىتىراق ايتساق مەنىڭ ۇزدىكسىز بار ۋاقىتىمدى سوندا بولۋعا جۇمساعان روك- ن- روللدىق كافە بولاتىن. سوندىقتان دا ءار كەزدەگى ءداستۇلى ساباقتى ورىنداۋعا بەلگىلەنگەن ۋاقىتتا استىعا ءتۇسىپ بارا جاتىپ، باسىم ەسسىزدىككە سۇڭگىپ بارا جاتقانداي سەزىمدە بولاتىن.
***
مەن مينەسستونداعى تىنىش ورتادا ءومىر ءسۇردىم. ءوزىم جالعان سويلەمەيتىن اداممىن، شىندىعىن ايتار بولسام مەنىڭ ول جەردى تاستاپ كەتىپ قالۋىمنىڭ باستى سەبەبى الەمدى ارالاپ كورۋ نەمەسە ونى جاۋلاپ الۋ ەمەس. تىڭداڭىزدار، مەن جاي عانا ول جەردەن كەتىپ قالىپ، ونى ورىنداعان سوڭ ەشقاشان ورالماۋدى عانا كوزدەدىم.
***
اكەم ارتىنا از عانا دۇنيە قالدىردى ءتىپتى ەشتەڭە قالدىرمادى دەۋگە دە بولادى. بىلسەڭىزدەر ول وتە قاراپايىم ادام بولاتىن. ماعان تەك ونىڭ سوزدەرى عانا قالدى. ءبىر كەزدەرى ول ماعان «بالام، سەن بىلەسىڭ بە؟ مىنا ومىردە ءبارى دە، ءتىپتى اتا- اناڭنىڭ ءوزى سەننەن تەرىس اينالاتىنداي ءوزىڭدى وڭاي بىلعاپ الۋعا بولادى. سوندىقتان دا ەسىڭدە بولسىن: ەگەر باسىڭا وسىنداي ءىس تۇسەتىن بولسا، باستىسى سەنىم مۇمكىندىگىنە يە بولساڭ ءبارىن دە قۇدايدىڭ ءوزى ساعان شەشىپ بەرەدى» دەگەن بولاتىن.
***
مەن سەنىمنەن تىم الىستاپ كەتتىم. ويتكەنى سەنىمنىڭ ءوزى ءوزىڭدى ءارقاشان كىنالى سەزىنۋگە ماجبۇرلەيدى.
***
ادامدار وزدەرىنىڭ سەنىمدەرىن سيرەك قولدانادى. ولار جاسايتىنىن قاجەت كەزدە جاساپ الادى دا، كەيىن سول ىسىنە جاتا كەپ وكىنەدى.
***
ەگەر سەن كىمگە سەنۋ كەرەك ەكەنىن ىزدەپ تاپقىڭ كەلسە، وندا ءوزىڭدى- ءوزىڭ الداي بەرۋدى دوعارعانىڭ دۇرىس.
Massaget.kz
