الماتىلىقتار تاۋلىگىنە قانشا سۋ تۇتىنادى

اتالعان مەكەمە قىزمەتكەرلەرىنىڭ ايتۋىنشا، الماتى قالاسىنىڭ سۋ ارنالارى سۋ رەسۋرستارىمەن قامتاماسىز ەتۋ بويىنشا ۇزدىكسىز جۇمىس ىستەپ تۇرعان ەلىمىزدەگى ەڭ ءىرى جۇيە. «الماتى سۋ ارنالارى قالا تۇرعىندارىمەن قاتار، ءىرى كاسىپورىنداردى دا سۋمەن تۇراقتى قامتاماسىز ەتىپ وتىر. الماتى قالاسى سۋدى نەگىزگى ءتورت ارنا بويىنشا الادى. ولار: ۇلكەن جانە كىشى الماتى وزەندەرى مەن جەر استى سۋ قورلارى جانە الماتى، تالعار جەر قويناۋلارىنداعى سۋ ارنالارى. ءدال قازىرگى ۋاقىتتا بەرىلىپ وتىرعان سۋدىڭ 63 پايىزى جەر استى سۋلارىنان الىنىپ وتىر. سۋ 150 جانە 500 مەتر تەرەڭدىكتەن الىنادى» ، دەلىنگەن حابارلامادا.

ۇلكەن جانە كىشى الماتى وزەندەرى مەن ۇلكەن الماتى كولىنەن الىنعان سۋلار تازارتىلىپ، نىسانداردى تازالاۋ جۇمىستارىنا پايدالانىلادى. «حولدينگ الماتى سۋ» كمك 2017 -جىلى كاسىپورىن ەسەبىنەن 15,8 شاقىرىم سۋارناسىنا جوندەۋ جۇمىسىن جۇرگىزگەلى وتىرعانىن جەتكىزدى. قايتا جوندەۋ جۇمىستارى ارقىلى مەگاپوليستىڭ 18 مىڭ تۇرعىنى ۇزدىكسىز سۋمەن قامتاماسىز ەتىلمەك. سوڭعى 5  جىلدا اتالعان مەكەمە ءوز قارجىسى ەسەبىنەن 146 شاقىرىم سۋجەلىسىنە كۇردەلى جوندەۋ جۇمىستارىن جۇرگىزىپ، شىعىنداردى ازايتقان.

 اۆتور: الماس مۇقاش ۇلى 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى