امەريكالىقتار «دۋداراي» - دى ايتىپ، «قاماجاي» بيلەدى -فوتو

وسى جولى امەريكالىقتار قازاق تىلىندە سويلەپ، جينالعان جۇرتتى ءتانتى ەتتى. ا ق ش ەلشىسى دجودج كرولدىڭ قازاقشا اجەپتاۋىر سويلەتىنىن كوپشىلىك بىلەدى. كونسەرتتى جۇرگىزگەن امەريكالىق جاستار تا قازاق تىلىندە سويلەدى.

 ال ساحناعا تانىمال گرەيس گاررەت شىعىپ، ءوزىنىڭ «ۋكەلەلە» اتتى اسپابىمەن «دۋدارايدى» ايتا باستاعاندا كوزىنە جاس العان كورەرمەندەر دە بولدى. الايدا امەريكالىقتار ونىمەن شەكتەلگەن جوق. ا ق ش- تىڭ بوستاندىعىن، ەركىن ويلاۋ قابىلەتىن بارىنشا كورسەتتى. ءسويتىپ قازاقتىڭ كۇيى مەن امەريكالىق اۋەندى ۇندەستىرىپ، پاپپۋري ورىندادى. ءتىپتى، «قاماجاي» انىنە بيلەپ، ونى دا ۇلتتىق مۋزىكاسىمەن شەبەر ۇندەستىرە ءبىلدى. كونسەرتتىڭ اياعى جاپپاي بيگە ۇلاستى.



وسىدان كەيىن مەرەكەلىك كونسەرتكە قاتىسقاندار مەرەكەلىك شەرۋمەن ا ق ش پاۆيلونىنا اتتاندى. شەرۋدىڭ باسىندا الەمگە ايگىلى «Harley-Davidson» ءنىڭ ەكى موتوتسيكلى، ونىڭ ارتىندا اسكەري كۋرسانتتار مەن چەرليديرشى قىزدار ءجۇردى.

 ايتا كەتەيىك، ا ق ش پاۆيلونىنىڭ مادەني- بۇقارالىق شارالارى وسىمەن شەكتەلمەيدى. بيىل اتالعان ەلدىڭ تاۋەلسىزدىگىنە 241 جىل تولىپ وتىر. وسىعان وراي، ا ق ش مادەنيەتىنە ارنالعان مەرەكەلىك اپتالىق ۇيىمداستىرىلادى. سونىڭ اياسىندا امەريكالىق روك، بليۋگراسس، سوۋل مەن حيپ- حوپ ونەرى كورسەتىلەدى.

اۆتور: ارمان اسقاروۆ








 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى