ەلامان ەرعاليەۆكە قىزىلوردا وبلىسىنىڭ اكىمى ەكى بولمەلى پاتەر سىيلادى
«ءتول سپورتىمىزدى تۇلەتۋ ءبىزدىڭ وبلىسىمىزدان باستاۋ العانى - ءبىز ءۇشىن ۇلكەن ابىروي. 2011 -جىلى العاشقى «قازاقستان بارىسى» تيتۋلىن يەلەنگەن ۇلان رىسقۇل بولسا، رۋسلان ءابدىرازاقوۆ كۇمىس جانە قولا جۇلدەلەردى يەلەندى. ولاردىڭ جەڭىستى جولىن 22 جاستاعى باتىرىمىز ەلامان ەرعاليەۆ جالعاستىرىپ وتىر. وسى سپورتشىلاردىڭ بيىك بەلەستەردى باعىندىرىپ، جەتىستىكتەرگە جەتۋىنە ۇلەس قوسقان جاتتىقتىرۋشىسى سادىق مۇستافايەۆتىڭ جانە ادىلبەك سەرىكبايەۆتىڭ دا ەڭبەگى زور دەپ اتاپ وتكىم كەلەدى»، - دەدى وبلىس اكىمى.
وبلىس اكىمى قىرىمبەك كوشەربايەۆ «قازاقستان بارىسى» جەڭىمپازىنا ەكى بولمەلى پاتەردىڭ سەرتيفيكاتىن تابىستادى.
ءوز كەزەگىندە ەلامان ەرعاليەۆ وبلىس اكىمىنە قولداۋ كورسەتكەنى ءۇشىن ءۇشىن العىسىن ءبىلدىرىپ، بولاشاقتاعى جوسپارلارىمەن ءبولىستى. ونىڭ ماقساتى - وليمپيادا مەدالىن جەڭىپ الۋ.
«بوز كىلەمدەگى بەلدەسۋدە ويىمدا تەك تۋعان جەرىم مەن جەرلەستەرىمە جەڭىس سىيلاۋ تۇردى»، - دەدى ەلامان ەرعاليەۆ.
ەستەرىڭىزگە سالا كەتەيىك، ق ر پرەزيدەنتى - ەلباسى نۇرسۇلتان نازاربايەۆتىڭ جۇلدەسىنە ارنالعان قازاق كۇرەسىنەن VII « قازاقستان بارىسى» تۋرنيرىنە بارلىعى 34 سپورتشى قاتىستى. ايتۋلى دودادا ءساۋىر ايىندا اسكەريلەر اراسىندا وتكەن «اسكەر بارىسى» جارىسىندا جەڭىمپاز اتانعان ەلامان ەرعاليەۆ توپ جاردى.
ايتا كەتەيىك، ەلامان ەرعاليەۆ 1995 -جىلى 25 - مامىردا قىزىلوردا وبلىسى قارماقشى اۋدانىندا دۇنيەگە كەلگەن. دزيۋدومەن 9 جاسىنان باستاپ اينالىسادى. ق ر سپورت شەبەرى، دزيۋدو جانە قازاق كۇرەسى بويىنشا بىرنەشە مارتە جەڭىمپاز اتانعان، دزيۋدودان جاستار اراسىندا ازيا چەمپيوناتىنىڭ كۇمىس جۇلدەگەرى (قىتاي، حاينان ق. 2013 ج.)، دزيۋدودان IV يسلام ىنتىماقتاستىعى ويىندارىنىڭ قولا جۇلدەگەرى (ازەربايجان، باكۋ ق. 2017 ج. ).
