تۇرعىن ءۇي قۇرىلىس جيناق بانكى «نۇرلى جەرگە» قاتىسۋشىلار ءۇشىن نەسيە شارتتارىن جەڭىلدەتتى

 بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە اتالعان بانك باسقارماسى ءتوراعاسىنىڭ ورىنباسارى جانار جۇبانيازوۆا ءمالىم ەتتى، دەپ حابارلايدى قازاقپارات.

«ەگەر بۇرىندارى سالىمشى «تۇرعىن ءۇي قۇرىلىس جيناق بانكى» ارقىلى باسپانا الۋ ءۇشىن سالىمنىڭ تۋرا 50 پروتسەنتىن جيناۋى قاجەت بولسا، ەندىگى ۋاقىتتا «نۇرلى جەر» باعدارلاماسى ارقىلى باسپانالى بولعىسى كەلگەن سالىمشىلار 30 پروتسەنتىن جينايدى. قالعان 20 پروتسەنت باعدارلامانىڭ وسىمىمەن ينتەگراتسيالانۋعا كەتەدى. سونىمەن قاتار باعدارلاما اياسىندا اۋقىمدى جەكە تۇرعىن ءۇي قۇرىلىسى جوسپارلانعان. ءبىز ەلىمىزدىڭ وڭىرلەرىنە ساپارلاپ قايتتىق. اسىرەسە قوستاناي وبلىسىندا جەكە تۇرعىن ءۇي قۇرىلىسى قارقىندى جۇرۋدە.

«نۇرى جەر» باعدارلاماسى بويىنشا جەكە تۇرعىن ۇي سالۋ ءۇشىن نەسيە الۋعا ءوتىنىم بەرگەن العاشقى سالىمشىلارىمىز دا بار»، - دەدى ول.

جۇبانيازوۆانىڭ ايتۋىنشا، وڭىرلەردەگى باسپانانىڭ ەڭ جوعارى قۇنى شارشى مەترىنە 180 مىڭ تەڭگەدەن، ال استانا مەن الماتى قالالارىندا شارشى مەترىنە 220 مىڭ تەڭگەدەن اسپايدى. جالپى باعدارلاما اياسىندا شامامەن 13 مىڭ شارشى جاڭا پاتەر سالىنادى دەپ كۇتىلۋدە. بۇل شامامەن 860 مىڭ شارشى مەتردى قۇرايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى