دەنساۋلىق ساقتاۋ ءمينيسترى سالاداعى نەگىزگى كەمشىلىكتەردى اتادى

ونىڭ سوزىنە قاراعاندا، 2016 -جىلى مەديتسينالىق قىزمەتتەر سالاسىندا ساپانى قاداعالاۋ بويىنشا مينيسترلىك پەن اۋماقتىق دەپارتامەنتتەرگە وتىنىشتەر سانى ارتا تۇسكەن. جالپى، وتكەن جىلى وسىنداي وتىنىشتەر 25 پايىزعا وسكەن.

«ورتاشا العاندا، مينيسترلىكتىڭ بلوگىنا، سايتىنا، كەڭسەسىنە كۇنىنە 80 گە جۋىق ءوتىنىم كەلىپ تۇسەدى. ءبىز ولاردىڭ قۇرىلىمىنا تالداۋ جاسادىق. بۇگىندە ءجيى كەزدەسەتىن شاعىمدار ءبىرىنشى كەزەكتە مەديتسينالىق كومەكتى ۇيىمداستىرۋ مەن مەديتسينالىق قىزمەتتەردىڭ تومەن ساپاسىنا قاتىستى بولىپ وتىر. ەكىنشى سەبەپ ءدارى-دارمەكپەن قامتاماسىز ەتۋ ماسەلەسىن قامتۋدا، ال ءۇشىنشىسى بىلىكتىلىك جانە مەديتسينالىق قىزمەتكەرلەرمەن كوممۋنيكاتسيا پروبلەمالارىنا بايلانىستى»، - دەدى مينيستر.

وسى ورايدا ءبىرتانوۆ بۇگىندە كەمشىلىكتەردى جويۋ باعىتىندا جۇمىستار ءجۇرىپ جاتقانىن جەتكىزدى.

«سوندىقتان دا نەگىزگى شارالار جەرگىلىكتى جەرلەردە پروبلەمانى شەشۋگە باعىتتالعان. بۇگىندە بارلىق مەديتسينالىق ۇيىمداردا ىشكى اۋديت قىزمەتتەرى مەن Call Center قۇرىلۋدا»، - دەپ ناقتىلادى ۆەدومستۆو باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى