استانادا تىنىشتىقتى بۇزعانى ءۇشىن موتوسيكل جۇرگىزۋشىلەرىنە ايىپپۇل سالىنۋدا

11 موتوسيكل مەن 2 سكۋتەر كوممۋنالدىق تۇراققا قويىلعان، دەپ حابارلايدى قالالىق اكىمدىكتىڭ باسپا ءسوز قىزمەتى.

ايتا كەتەيىك، قالا باسشىسى اسەت يسەكەشەۆتىڭ تاپسىرماسىنا سايكەس استانا قالاسىنىڭ ءى ءى د جەرگىلىكتى پوليتسيا قىزمەتى كولىك جۇرگىزۋشىلەرى اراسىندا ءتارتىپتى ساقتاۋ جانە تىنىشتىقتى بۇزۋدىڭ الدىن الۋ بويىنشا شارالاردى كۇشەيتتى.

بۇدان بولەك ءتارتىپ ساقشىلارى جول كولىك وقيعالارىن ازايتۋ ءۇشىن ۇنەمى رەيدتەر جۇرگىزىپ تۇرادى. ماسەلەن، موتوسيكل جۇرگىزۋشىلەرى اراسىندا نەگىزگى قۇقىقبۇزۋشىلىق ق ر اكىمشىلىك قۇقىقبۇزۋشىلىق تۋرالى كودەكسىنىڭ 612-بابى بويىنشا ورىن الادى.

اتاپ ايتار بولساق، كولىك قۇرالىن قۇجاتسىز باسقارۋ نەمەسە باسقارۋعا قۇقىعى جوق (ا ساناتى جوق) جاعدايعا قاتىستى 14 زاڭ بۇزۋشى انىقتالعان. ق ر ا ق ك 9-تارماعى 590-بابىنا سايكەس «كولىك قۇرالىن پايدالانۋ ەرەجەلەرىن بۇزۋ»، تەحنيكالىق تەكسەرىسسىز - 5 قۇقىق بۇزۋشى.

ق ر ا ق ك 601-بابى بويىنشا «جول بەلگىلەرىندە كورسەتىلگەن تالاپتاردى نەمەسە جولدىڭ جۇرگىن بولىگىندەگى بەلگىنى ساقتاماۋ» - 3 بۇزۋشى جانە ت. ب. بارلىق جول ەرەجەلەرىن ەلەمەگەندەر اكىمشىلىك جاۋاپقا تارتىلدى. بۇل باعىتتاعى جۇمىستار جالعاسىن تابادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى