نۇرسۇلتان نازاربايەۆ بارشا تۇلەكتەرگە ءوز اقىلىن ايتتى
ءوز سوزىندە پرەزيدەنت وزىمەن قاتارلاس ادامداردىڭ اتالارى ءبىرىنشى دۇنيەجۇزىلىك سوعىسقا، ال اكەلەرى ەكىنشى دۇنيەجۇزىلىك سوعىسقا قاتىسقانىن جەتكىزىپ، اشتىق جانە تاعى باسقا قيىندىقتارعا تاپ بولعانىن ەرەكشە اتاپ ءوتتى. سول سوعىستاردا ميلليونداعان قازاق قىرىلىپ، مايداننان قايتپاي قالدى.
«مەنىڭ بۋىنىم عانا 70 -جىلدان بەرى بەيبىتشىلىك جاعدايدا ءومىر ءسۇرىپ جاتىر. ول - ءبىزدىڭ اكەلەرىمىزدىڭ ىستەگەن زور ەڭبەگى. ءبىز - باقىتتى بۋىنبىز. سەبەبى ءبىزدىڭ ءومىرىمىز تاۋەلسىزدىكتى قۇرۋمەن قاتار كەلدى. قازاقستاننىڭ تاۋەلسىز تۋىن كوتەرۋگە، استانامىزدى سالۋعا مۇمكىندىك تۋدى. اتا-بابالارىمىزدىڭ ارمانى ورىندالدى. سەندەر ارقىلى اسكەري جوعارى وقۋ ورىنداردى ءبىتىرىپ جاتقان كۋرسانتتارعا جانە بارلىق وقۋ ورىندارىنىڭ تۇلەكتەرىنە تىلەيتىنىم - اق جول! ءبىز مەملەكەتتى قۇردىق، بۇكىل دۇنيەجۇزىنە پاش ەتتىك. سەندەر سول تاۋەلسىزدىكتى كوزدىڭ قاراشىعىنداي ساقتاپ، كوك تۋىمىزدى الەمنىڭ تۇكپىر- تۇكپىرىندە جەلبىرەتەتىن بولىڭىزدار!»، - دەدى نۇرسۇلتان نازاربايەۆ.
اۆتور: ارمان اسقاروۆ
